El companyer d'A Espuña m'ha feto tener envidietas con ixas fotos e videu d'el Chorro e las Fuens de Fornos, per ixo güe m'he levantato bien luego, he pillato la camara fotos e t'allí que i soi ito. Feba a'l menos tres u cuatre anyos que no iy'ibe, pero dende Badaín no tiene perdida e en poco més d'una hora ibi'es. La verdat ye que no las tenebe totas con yo, perque como ya fa días que no pleve, me pensabe que no baixaría guaire augua.
Jolio, se en baixaba. En primeras arribas ta las Fuens de Fornos, an que manaba buena cosa d'augua, pero como per astí siempre en baixa, m'he dito: igual en el Churro Fornos no'n cai gota. Animal se en cayeba, como que no he puesto cruzar-lo pa viyer el Churro e m'he tenito que aconfortar con mirar-me-lo de bislai. Ixo sí, he feto fotos como un poseso, e tos ne deixo bel·launa. Ya perdonarez, pero las he fetas a pulso e per ixo no m'han salito bien de tot (ademés de l'augua cremata, pero se le quiers meter un poquet de tiempo d'exposición ya sabes el que pasa).
Nunca i soi estato, ye de mal arribar-ie? Una pregunteta: o patrimonio de Sobrarbe (paisaches, cultura, naturaleza...) ye bien explotato, ye decir, s'aprobeita en benefizio d'a chen d'a comarca u como fuen de turismo u ye una mica abandonato tot. Lo digo porque i hai atras comarcas an que tot ye a l'archa (nomás cal beyer o que pasó con l'armita ixa en Ribagorza).
ResponderEliminarbel begata imos siu chuntos fendo bel bieras o cualisquier otro brebage, ixo me creigo. As fotos son muitos majas, y os tuyos escritos en-tienen una razón que se caye de raso. Ye a primeriza begada que beigo o tuyo blog, y no en será la zaguera. Te boi a i-meter en o mio, como enlaze.A semana pasata s'ha estrenau lo disco D'a Cadiera Coixa, "tal ferás, tal trobarás" manque pese a belún, istas presonas son fendo país, charrando en as lenguas d'ista nazión y diziendo historias que nos han pasato a cuasi toz.
ResponderEliminarBueno dica un otro diyo, y salú. O mio blog ye "entre los fayos y albalate" o www.chesus-navarro.blogspot.com
ONSET: sí que ye mui fácil d'arribar-ie, sobre tot dende Badaín. I hai mui poquet desnivel e el camín ye clar (encara que poco senyalizato). Indo rapido en una horeta u per astí ibi'es. Dende A Espuña cal tirar per Socastiello e seguir la pista que va enta A Valle. Pa fer-lo andando ye mui largo, e se quiers ir-ie en auto en precisas un pa ir per pista. Dimpués tiens un baixatón ta'l río que cal puyar-lo pa tornar. La pena d'ixe puesto ye que pa que baixe gran el Chorro ha d'haber plebito pro u que se desfaya la nieu. En las Fuents de Fornos siempre baixa augua (muta u poca, ixo ya depende). Pero se miras un puesto tranquilo, éste en ye, como tota A Valle d'A Espuña.
ResponderEliminarCHESUS: pos no sé se nos conoixemos, la verdat. Se no me das més datos...