viernes, 22 de julio de 2016

Astazus

L'anterior entrata se quedó en las fotos que fayé en l'Ibón de Marmorés. Ya que ib'yere, e yera luego, me'n fue cara es Astazus, perque no me quedaba soque 400 metros de puyata (encara que se me fayoren largos con to l'equipo a las costiellas). Aquí tos deixo las fotos que i fayé. Falta la d'un pintaparet (Trichodoma muraria) que no se querió esperar a que quitás al camara de la mochila. Ya van quatre tresmils en esta temporata.
Como la luz yera tant mala a ixas horas, mutas ya las veyebe en blanco e negro.






martes, 19 de julio de 2016

Marmorés

El sabado fayé una d'ixas fateras mías e puyé a fer l'amaneixer ta l'Ibón de Marmorés. Sabebe que encara quedaba pro chel (ye quasi tot chelato encara, l'anyo pasato pa estas alturas ya no'n quedaba mica), e la cosa yera pillar un buen primer plan, a veyer se i heba refleixos.
El primer plan yera sencillet de trobar-lo, es refleixos pior perque i heba chel. E el fondo... el fondo ye espectacular, con Treserols debant, pero el ciel no querió acompanyar e yera raso como el uello d'un paixarico, quedando-se bien hauto. E tampoco no fueren las millors luces de l'amaneixer que yo he visto aquí. En fin, caldrá tornar-ie per millor material, pero ya que i fue...
Antes de que arribás el sol:
 Es primers rayos tocan las puntas:
 Unaltro primer plan:
 E l'unico reflexo que se veyeba:
Ya que ib'yere, dimpués me'n puyé ta's Astazus, pero ixo pa unaltra entrata.

viernes, 15 de julio de 2016

Una nuet per Tella

Picato per las fotos de la Carrera de Sant Chaime que se veyen per internet, vencié la mandria e saliré ta Tella a fer bel·la foto nocturna en la ermita de Sant Chuan y Pablo. No ye la foto que tiengo pensata (las condicions que quiero han de dar-se d'hibierno, e ye difícil), ni muto menos. Pero la proxima luna nueva i tornaré, perque quan i fue la luna ya yera a medias e no se veyeba bien la Carrera de Sant Chaime.
Con tot e con ixo, ya que i fue...


lunes, 11 de julio de 2016

Tardadas per Tella II

Se m'heba olvidato la que més goyo me fa de totas :-)


jueves, 7 de julio de 2016

Es Gorgos de Lalarri

U Ibons de L'Almunia, u es Gorgos d'el Tromacal... Diferents nombres pa uns ibons que se troban a's pietz de Robinyera, an que naix el río Lalarri, e que son d'una belleza exquisita. E més se encara son chelatos como yeran l'altro día. En fin, que talment i torne perque me quedé con ganas de més, antes que se desfaya el chel de tot.
El primer día que es visité de tardes, quan ya i veyé las posibilidatz:
Y l'amaneixer a's pocos días:



 E dimpués de fer l'amaneixer, cara Robinyera, el primer 3000 d'el verano:




domingo, 3 de julio de 2016

Tardadas per Tella

Esta semana pasata, mirando zagueras luces dende las ermitas de Tella.