martes, 16 de octubre de 2018

Treserols II

La tarde no fue pa tirar codetes, pero el maitín (que quasi me pierdo perque me fotié media nuet despierto e blinqué d'el saco a las quatre suelas) fue quasi quasi immillorable, no adubibe a fer fotos.











miércoles, 10 de octubre de 2018

Treserols I



Como ya prencipia a estar costumbre, pa cabo d'agosto u primers de setiembre puyo a fer nuet ta Treserols. Ye una montanya con la que tiengo una relación ambivalent. Per una man, m'encanta puyar-ie per Pineta. Me pareix una puyata dura e salvache. Per altra man, ye plena de chent e per cada vegata que i voi me i trobo més chent dormindo-ie. Esta vegata quasi no i puedo dormir, bien se vale que me mire un cadet en la punta. En fin, que caldrá mirar montanyas con menos nombre pa poder estar tranquilo.
Hue deixo las fotos d'el primer día. Pa unaltra entrata deixo las de l'amaneixer, que me fan més goyo. Encara n'i hai mutas sin editar, cuento que pasarán a esperar bel·la revisión dentro de muto tiempo.
Canyón d'Anyisclo una mica antes de la Punta de ras Solas.

 Anyisclo dende la Punta Treserols:
 Contrastes de luz:
 Un montanyer que i arribó a zaguera hora:

Morrión d'Arrablo u Torre de Góriz recibindo es zaguers rayos de sol:

domingo, 7 de octubre de 2018

Perdiguero

Una vegata que ya tenebe tot apanyato e hebe visto que el chenullo me respondeba bienm, deixé de dormir a orillas d'ibons ap prencipiar a fer bivacs en picos. El primer decidié que fues un inedito pa yo: El Perdiguero, a la Vall de Benás. Un día de muto aire e boiras que m'impidioren de veyer l'Aneto e Llardana, pero que me deixoren una tardada brutal. Pasé frío de nuet, pero soportable.




martes, 2 de octubre de 2018

Marmorés

Ya morando puyatas més fuertes dimpués de veyer que el chenullo iba respondendo e que ibe ganando forma dimpués d'ixe mes de parón forzoso. Me'n puyé a dormir ta Marmorés, con muit buen ritmo de puyata (una mica menos de tres horas). Quan i arribé feba aire de puerto y saliba la gabacha que pareixeba una chaminera. Per suerte, quan arribé a orillas de l'ibón se metió una luz d'ocaso preciosa queme fayó correr pa trobar un buen enquadre. Dimpués, como heba dito el pediatra que no ye meteorologo pero quasi siempre las clava, s'aturó l'aire, se despasó e salié d'el saco a fer nocturnas. Tot e que me i hebe puyato es crampons, no tenié ganas de foter-me un banyo chelato e no m'atrivié a cruzar la conchesta de debaixo de Tucarroya.




domingo, 30 de septiembre de 2018

Unaltro ibon

Ya libre e pa ir recuperando al forma antes d'acometer montanyas e puyatas més serias, continé indo a dormir ta orillas d'ibons machicos.



miércoles, 26 de septiembre de 2018

Per fin libre

Chuliol fue un mes difícil; contra tot pronostico, perque no hebe estudiato mica, me tocó zarrar-me en casa pa preparar la segunda parte d'unas oposicions a las que ibe a firmar. Per ixo, malas que rematé, salié hopando enta la montanya a dormir perque ya no aguantabe més entre quatre paretz. Asinas que fue ta un ibonet d'el que m'heba charrato un amigo ta an que i deben d'ir-ie tres u quatre personas a l'anyo. Un lugar espectacular pa ir reprenendo la forma e ixe costumbre tant buen de dormir per tierra de cabo ta quan.





domingo, 16 de septiembre de 2018

Miradors

Tiengo una lista de miradors a's que me fa goyo d'ir-ie de cabo ta quan. Ta este me'l he de pensar, perque l'acceso ye infame, pero las vistas marabillosas. Unaltra cosa ye tener suerte con las luces. Ixo ya el deixo a la opinión de cada un.



lunes, 10 de septiembre de 2018

La foto sonyata

Dende el primer día que trobé esta cascada pensé en una foto asinas. Mutos anyos dimpués podié fer-la realidat gracias a Bea, la mía amiga escaladora, que ye un ciel e nunca me diz que no quan se m'ocurren ideas peregrinas. Mutas gracias, SuperBea. Nunca no ovidaré ni la foto ni las risas que fayemos tot baixando. Dimpués, de manera inesperata, tocó un encierro d'un mes, pero en valió la pena.


viernes, 7 de septiembre de 2018

Una nuet en es Puntons Royos

De quan en puesto d'estudiar me'n ibe ta la montanya a disfrutar de la vida, que son quatre días.




lunes, 20 de agosto de 2018

Sant Mitier

Esta primavera dio muto chuego de tardes con las tronadas, deixando una luces bien bonicas, e con l'embalse plen a caramuello, l'espectaclo yera asegurato.




jueves, 9 de agosto de 2018

La Estiva

La Estiva ye un d'es millors puestos d'el Pirineu, a'l menos pa yo. Las envistas son immillorables, e se tiens suerte de pillar una tarde de tronada con buenas luces, ya ye la hostia.








domingo, 5 de agosto de 2018

Horas e puntos de vista

Estas quatre fotos son fetas el mesmo día. En las dos primeras no cambia soque la hora (la primera ye presa en la hora azul, e la segunda en la hora dorata). Las tercera e la quarta son las mesmas flors, pero no cambia soque el foco. Pos ixo, enredando, pero fendo patent que d0'el mesmo puesto u de las mesmas cosas se pueden quitar cosas muit diferents.
Pineta en la hora azul:
 Pineta en la hora dorata:
 Cypripedium calceolus:



viernes, 3 de agosto de 2018

Dende Guaso

Mayo fue un mes interesant perque gosaba venir tronadas, e ixo significa posibilidatz de buenas luces a la tardada. estas son fetas dende l'exconchuradero de Guaso.
Boltanya e Nabaín:
 Boltanya:
 L'Aínsa:
 Evolución de las colors en A Penya Montanyesa: