lunes, 20 de agosto de 2018

Sant Mitier

Esta primavera dio muto chuego de tardes con las tronadas, deixando una luces bien bonicas, e con l'embalse plen a caramuello, l'espectaclo yera asegurato.




jueves, 9 de agosto de 2018

La Estiva

La Estiva ye un d'es millors puestos d'el Pirineu, a'l menos pa yo. Las envistas son immillorables, e se tiens suerte de pillar una tarde de tronada con buenas luces, ya ye la hostia.








domingo, 5 de agosto de 2018

Horas e puntos de vista

Estas quatre fotos son fetas el mesmo día. En las dos primeras no cambia soque la hora (la primera ye presa en la hora azul, e la segunda en la hora dorata). Las tercera e la quarta son las mesmas flors, pero no cambia soque el foco. Pos ixo, enredando, pero fendo patent que d0'el mesmo puesto u de las mesmas cosas se pueden quitar cosas muit diferents.
Pineta en la hora azul:
 Pineta en la hora dorata:
 Cypripedium calceolus:



viernes, 3 de agosto de 2018

Dende Guaso

Mayo fue un mes interesant perque gosaba venir tronadas, e ixo significa posibilidatz de buenas luces a la tardada. estas son fetas dende l'exconchuradero de Guaso.
Boltanya e Nabaín:
 Boltanya:
 L'Aínsa:
 Evolución de las colors en A Penya Montanyesa:



lunes, 30 de julio de 2018

Evolución

Evolución d'el ciel dimpués d'una tronada en Pineta.





lunes, 23 de julio de 2018

Tardadas primaverals dende Sant Mitier

I hai tardes en las que tot ye tant fácil como pretar el disparador.



martes, 3 de julio de 2018

O Puent d'as Crabas

Primavera e curseta con es míos fillos. Verde a rabentar e augua per tot, mesmo la tronata que nos pilló tornando e fayó que arribanos ta l'auto chupitos.


martes, 26 de junio de 2018

Una nuet en l'Ibón de Plan

Fuyindo de fechas significativas (verbi gratia la nuet de Sant Chuan, quan pareix un camping), me fa goyo d'ir ta l'Ibón bel·la nuet, e en esta ocasión s'encertó en que no i heba luna (salgo ta la montanya quan puedo, no pas quan quiero) e fayé fotos a las estrelas, encara que no podié fer-ne a la Carrera de Sant Chaime.
Pos ixo, la tardada feu bien floixa e només tos deixo una de nuet e las altras de l'amaneixer.





miércoles, 20 de junio de 2018

Va de panos II

Tardadas que se daban, aora ciel raso e calor :-(


domingo, 17 de junio de 2018

Ibón de Plan

Una tarde tranquila, e només un momentet de luz que caleba aprofitar.


lunes, 11 de junio de 2018

Va de panoramicas.

Pos ixo, como me fastidié el chenullo izquierdo baixando de l'Aneto, dimpués tocaba de fer fotos a piet de l'auto. E caleba fer servir la rotula panoramica. Millor punchar en la foto e F11.
Cosculluela de Sobrarbe:
Dende Treserols dica Guaso:
Lierga, Mobisón, Solano, Cotiella e Penya Montanyesa.


viernes, 8 de junio de 2018

Aneto

Puyar a fer nuet en l'Aneto quan encara ye plen de nieu ye una d'ixas cosas a las que les pilas gusto. Dimpués de fer-ie nuet l'anyo pasato con l'amigo Javier Camacho antes de que marchás ta'l Lhotse. Estiemos charrando pa poder repetir, pero las respectivas achendas no nos lo permitioren (er teneba que fer mutos preparativos pa marchar a coronar l'Everest).
Asinas que estianyo i puyé (embarqué a) con Bea, una amiga e companyera de troballo, fendo nuet en la Renclusa e, como novedat respecto a l'anyo pasato, con esquís de travesía. Alto se nos chuntoren tres amigos de Bea e, tot e el frío que feba, nos lo pasemos de pistón. Tamién como novedat respecto a l'anyo anterior, podié fer fotos, tanto de tardada como d'amaneixer.
La unica nota negativa? Las dos esbinzaduras que me fayé tot baixando per un hostión, e ye que me foi mayor. Encara soi en proceso de recuperación, pero malas que pueda, a trotiar per ixes tozals unatra vegata.
Con la gran Bea, celebrando la cima :-)
 L'equipo a'l completo (d'izquierda enta dreta: un servidor, Manu, Bea, Maxi e Nacho) en el foso que fayoren debant de la suya tienda. El que me podié redir con esta chent tant maha.
 Enta Llardana/Posets
 Una miqueta de sol:
 Acucuta el sol:
 Va pillando fuerza:
 Un autentico espectaclo:
 E quan puyó e s'amagó dezaga de las boiras aprofité ap fer esta pano mientres encara duraba la luz calida:


miércoles, 6 de junio de 2018

Fornos

Con este hibierno de nieu, esta primavera de mayenco e d'augua (no fa so que plever) tres vegatas que soi ito ta O Chorro Fornos, imposible de fer una foto a o Chorro. Con tot e con ixo, bel·la vegata he quitato la camara de la mochila, per no decir que i soi ito e que no he feto garra foto...
Irués, río furo quan quiere.
 M'encantan ixes churros que salen de Lierga:
 Entretenendo-me con las panos:
 E ya, en tornando ta l'auto, Badaín mereix una foto, e més en ixas condicions de luz:


domingo, 3 de junio de 2018

Rodellar e Mascún

Feba anyos que querebe ir per ixa zona de Guara, pero me feba galbana perque me quedaba leixos. Estas vacacions de Semana Santa (en Aragón teniemos es días "santos" e la semana posterior) aprofité pa ir-ie e conoixer-la.
M'encantó. Ixa zona de A Cuca Bellostas, la puyata ta Otín con un caixicar espectacular, el dolmen... I tornaré, prou que i tornaré. No fayé guaires fotos e me dediqué sobre tot a disfrutar de l'espectaclo, tot pa yo solo, perque només veyié chent quan tornabe enta Rodellar perque i heba escaladors. Amés, no i pasé guaire calor perque el ciel yera nuble, encara que no me cayó ni una gota.
A Cuca Bellostas:
 El famoso delfín de Rodellar, m'habría feto goyo de que i hes bell escalador, pero...


miércoles, 30 de mayo de 2018

Agua tuerta

Qué ye gloria? Vier Agua tuerta sin boira.
Ixo diz un refrán ansotano, e la verdat ye que poder veyer Agua tuerta ye gloria, sía quan sía. Yo decidié d'ir-ie en las vacacions de Semana Santa, un día suelto, perque feba mutos anyos que no i estabe. I fue con es esquís e bien se vale, perque i heba un buen paquetón de nieu. A la fin la boira ganó la batalla a'l sol; pero ixo rai, este puesto contina encantando-me.