Dimpués d'el poco exito que ha tenito la entrata -només Onset s'ha mirato de trobar la respuesta- aquí va la solución de la que ye estata la primera -e estoi que zaguera, vista la respuesta de la chent- adivinalla.
La respuesta ye: BOLETA (Neophron pernopterus), que ya ye tornata de pasar el hivierno d'Africa e ya la tenemos altra vez per aquí. No sé cuál ye el nombre en catalán, pero en castellano ye alimoche.
La coda en forma de rombo la tiene pareixita a'l trencagüesos (Gypaetus barbatus), d'el que n'i hai una buena colonia per este país.
Entradas
No digas ixo de que dingu mos en procupau d'adibinalo (no mes l'onset).... o que pasa es que yo no teneba ni "pajolera" idea.
ResponderEliminarTe churo que lo pensé pero no lo dicié. Antiparte me fan muito goyo ixos paxaros (dende que beyé ixe documental de Rodríguez de la Fuente an que as boletas trencaban os güegos a peñazos). O que no sabeba yera que tamién son por as montañas, me creyeba que yeran más d'o Preperineu. Por cierto, por Bielsa i hai purpuz (u esporputes) porque por o Semontano a chen me comenta que ya no se'n bei tantos como antes.
ResponderEliminarL'altro día en viyé una, dica alabez no'n hebe visto garra. Me'n baixé con la nin·na ta las piscinas a fer-le bel·la foto e cuan la viyé pensé: un gai. Me la miré millor e digo: ¡conyo, una puput! Pero cuan apresté la camara ya se'n yera ita.
ResponderEliminarBoletas sí que n'i hai més per abaixo, yo an que més n'he visto ye per A Fueba, pero tamién n'he visto per La Estiva (Espierba), en l'alta montanya.