martes, 13 de agosto de 2019

Nuevas envistas

A vegatas, me da per mirar puestos nuevos pa trobar nuevas envistas.
Unas boiras impresionistas refleixatas en l'augua:
 L'Aínsa:
 Zagueras luces en las boiras:


viernes, 26 de julio de 2019

Ababols

Disfrutando d'es ababols primaverals per la Tierra Buixo


domingo, 23 de junio de 2019

Una tarde per l'Ibón de Plan

Quan leyié el tema d'el concurso d'estianyo d'el Geoparque de Sobrarbe, microcheolochía,  estié pensando en que tenebe muit poco material e queme tocaría ir de propio a fer fotos. Un d'es puestos en es que i pensé decamín fue el lapiaz de Lavasar, una miqueta antes d'arribar en l'Ibón de Plan, asinas que t'astí que marché a fer fotos (e, per suerte, una d'ixas se levó el segundo premio). E prou, ya que ib'yere, no podebe marchar sin fer una vesiteta a l'Ibón, que prencipiaba a deschelar-se.
E me trayié estas fotos.






miércoles, 19 de junio de 2019

Maitins de boira

Yo que he vivito mutos anyos en la val de l'Ebro, sé que la boira mutos días seguitos ye un puto conyazo, pero la verdat ye que pa fer fotos, sobre tot se te metes per dencima de las boiras, da muto chuego.
Andar, lo que es andar, anduve, encime siempre de las nubes...





miércoles, 12 de junio de 2019

Primavera en a Tierra Buixo

Yo soi més d'agüerro e, sobre tot, hibierno, pero la verdat ye que la primavera da oportunidatz buenismas con ixes cambios de luces e d'orache. Totas estas fotos son de la mesma tarde.
Margudgued dende Guaso.
 Treserols dende o Viello Sobrarbe:
 Una uellas per Lamata:
 Tronada dende Mediano:


martes, 28 de mayo de 2019

Ciels

Entre febrer e marzo habié a estar muto tiempo en Zaragoza per qüestions laborals. Como me fotebe tot el día zarrato, tenebe unas ganas locas de tornar ta las mías montanyas, asinas que el primer día que torné, no me'l pensé e marché ta un d'es míos. Amés, per suerte, es ciels acompanyoren.







lunes, 13 de mayo de 2019

Una nuet en l'Ibón de Plan

I hai vegatas que, sin més e encara que vas a dormir poco e mal, tiens ganas de dormir per la montanya.





miércoles, 8 de mayo de 2019

Tardada en L'Aínsa

Quan no me vaga d'ir ta garra altro cabo e el ciel fa buena pinta, torno ta este mirador.
Ya sé de dos fotografos, a'l menos, que el han trobato.



viernes, 26 de abril de 2019

Tardada en Sant Mitier




jueves, 18 de abril de 2019

Boiras

A vegatas, el ciel pareix de ficción


lunes, 8 de abril de 2019

Nieu en L'Aínsa

Que nieve en L'Aínsa ye una cosa que gosa ocurrir dos vegatas, u tres como muto, a l'anyo. Per ixo cal aprofitar. Amés, per aquí abaixo las luces gosan estar pro variables como se veye en estas dos fotos fetas con 20 menutos de diferiencia.



viernes, 29 de marzo de 2019

Amaneixer

Un d'es zaguers amaneixers que deixó chiner, dende Muro de Bellos.




miércoles, 20 de marzo de 2019

Una tarde per l'Ibón de Plan

Una tarde de chiner, tot salindo de treballar, pareixeba que el ciel pintaba bien e pensé en puyar ta l'Ibón de Plan. Encerté con la tarde, pero fallé en deixar-me es crampons perque yera tot chel e baixando me fotié tres costalazos buens, per suerte sin conseqüencias.





lunes, 11 de marzo de 2019

Una nuet en Foratarruego

Esperando que per fin se cumplís una predicción, puyé ta Foratarruego a veyer se me despertabe con 10 cm. de nieu e, de paso, fer bel·la foto chula. A la fin, ni nieu (una misera cinarrata) ni fotos chulas, pero a'l menos torné ta un puesto an que feba 18 anyos que i ibe.



jueves, 28 de febrero de 2019

Muro de Roda

Muro de Roda, en A Fueva, ye d'ixes puestos que cal conoixer sí u sí: arte, envistas... e se pillas ciels con boiras lenticulars ya yela hostia.





domingo, 24 de febrero de 2019

Sant Mitier

Ta allá, a metat de chiner, i habió uns ciels chulos.




martes, 12 de febrero de 2019

Gentau

Las vacacions de Navidat no fueren guaire buenas perque l'anticiclón fue la nota dominant e no i heba mica nieu per la montanya. pero antes de tornar a treballar decidié de fer-me un chicot homenache e marchar a dormir per astí pa estrenar el sac de plumas que m'heba traito Papa Noel. Asinas que decidié d'ir ta un puesto que conoixebe per fotos, pero cuasi totas de verano: el lac Gentau, a la val d'Ossau. I puyé per Astún e no i heba mica nieu ta la man d'aquí, e una costra chelata en la cara norte.
Mientres i puyaba , veyebe un ciel raso que feba pena, pero bueno... La idea yera desconectar una mica antes de tornar a troballar. De tardes, el ciel s'apiadó de yo e se metioren boiras lenticulars enta l'este e una colors bien chulas. M'han dito que l'amaneixer ye una pasata, pero el que yo i veyié no valió mica, habré a tornar-ie.