miércoles, 30 de mayo de 2018

Agua tuerta

Qué ye gloria? Vier Agua tuerta sin boira.
Ixo diz un refrán ansotano, e la verdat ye que poder veyer Agua tuerta ye gloria, sía quan sía. Yo decidié d'ir-ie en las vacacions de Semana Santa, un día suelto, perque feba mutos anyos que no i estabe. I fue con es esquís e bien se vale, perque i heba un buen paquetón de nieu. A la fin la boira ganó la batalla a'l sol; pero ixo rai, este puesto contina encantando-me.


lunes, 28 de mayo de 2018

Un maitín per Plana Canal

Un viernes de buen maitín, e antes de marchar ta Italia de viache d'estudios, me'n puyé ta Plana Canal a despedir-me de fer montanya per uns días. Habié de prencipiar a  foquiar muit luego, e ixa pista se me fayó més larga que un día sin pan, pero l'orache tant cambiant fayó que me nevás, me fes sol... e me fes las dos cosas de vez. La ideya yera més de fer montanya que no de fotos, pero ya que ibi'ere...
Pos ixo, de las pocas cosas buenas que tiene entrar a troballar tarde.



miércoles, 23 de mayo de 2018

Luna plena de marzo

Marzo prencipió con luna plena e, como me desperté bien luego,brinqué de la cama e marché a fer una foto que tenebe pensata, pero yera muit tarde pa la posición de la luna que querebe, e no me tocó unaltra que iluminar la ermita de Sant Chuan-i-Pablo con el frontal. Ixa foto que només existe de momento en la mía capeza tendrá que esperar.


sábado, 19 de mayo de 2018

Nieu en L'Aínsa

La tardada de colors calidas d'el día anterior poco podeba fer presachiar que amaneixerinos con nieu e que fotería un buen plomazo pa'l que gosa nevar en L'Aínsa.




miércoles, 16 de mayo de 2018

Ordeseando

M'encanta Ordesa d'hibierno; encara que ye bonita tot l'anyo, d'hibierno no i va tanta chent e no gosan arribar, la mayoría, tant alto como de verano.
Con tot e con ixo, ixe día decidié d'ir-ie de tardes perque feba tiempo que tenebe una foto en la capeza con las zagueras luces sobre Treserols. Aprofité pa fer l atipica foto de la cascada de la Cueva chelata e bel·launa nocturna. De baixata, me fotié esperendo buens ratos a que la luz de la luna iluminás la de la Cueva, e poco antes de que la iluminás de tot, s'espaldó buena parte d'el chel, perque la temperatura ya no yera tant fría como en es días previos. E ya cerca d'el parquin, aprofité pa fer-ne una d'a Fraucata iluminata per la luna.




lunes, 14 de mayo de 2018

Una tarde per Plana Canal

Febrer, entre semana, sin guaire tiempo, el chusto pa puyar-ie, ir ta un tozal e gozar de las zagueras luces d'una tardada preciosa.




miércoles, 9 de mayo de 2018

Ordeseando

Es que em conoixen, saben que fuigo d'Ordesa quan s'imple de chent. Bien se vale que d'hibierno no'n i va guaire.






viernes, 4 de mayo de 2018

Tardadas en A Fueva

Un d'es míos puestos favoritos.

miércoles, 2 de mayo de 2018

Tierra Buixo

Fendo una cursa per la Tierra Buixo, un país poco conoixito pero bien bonito.
Una panoramica de Guaso
Torre de Guaso con Sestrals de fundo.
Una luz bestial enta Turbón, me recordaba el monte Fuji , y a altros el Kilimanjaro :-)