miércoles, 23 de julio de 2008

Paixarelas e cuquetas

Qué majos estes bichetz. Preciso un macro pero ya, s'admiten donacions (tamién pa'l 500).

Dos cuquetas de Dios en la operación salita:
E un par de paixarelas, la segunda grand como un buei:

martes, 22 de julio de 2008

Sexo animal

Talment con el títol d'esta entrata las vesitas ta'l blog puyen como la esbruma e se m'apleno esto de zoofilos, pero ye que hue m'he trobato con dos guardafuents ciprenando e de camín he pensato en este titulo. Fendo-lo debant d'es míos inocents huellos, que marranizos!! Ya disculparetz es brillos de l'augua, pero m'hebe deixato en casa el filtro més adecuato, ademés que yera medio día, e cayeba el sol a plomo.
Cómo s'enreligan, ixo debe d'estar sexo tantrico d'ixe:


Martagón

Per fin ya ye salito el lirio martagón. No sé qué l'ha pasato estianyo que pareix que le falte fuerza e color, ademés n'i hai mutos como medio ixutos. Pero buen, cualque foto d'es millors que he trobato per Las Articas, no me rematan de convencer, ya disculparetz:



lunes, 21 de julio de 2008

Lirón

Hue m'ha feto gracia de trobar-me per casualidat con este animalet, que en altras zonas d'Aragón se conoix como mincharra, que nos ha costato de fer-lo salir (con cibo de churizo e pan d'el almuerzo). Soi ito a pixar e he visto una caseta d'ixas que meten pa's paixariquetz e saliba palletas per debaixo, con que me miro en dentro e veigo que asoma un morret e uns bigotons largos. Vienga a meter-le el cibo con una companyera de troballo pa mirar de fer-le bel·la foto e la fin hemos puesto conseguir que salís. Es turistas son fartos d'estes animalons, perque n'i hai mutos e se meten per las tiendas a comer, pero a yo -que no m'ha bufato so que un cachet de churizo- m'ha feto muta gracia tener-lo tan cerqueta. E aquí en tenetz un par de fotos:

Zarautzko eta getariako hordantzak

Pos ya somos tornatos de la placha (hordantzak). Buen orache, buenas comidas (siempre imos bel día a comer ta'l restaurant Mayflower en el puerto de Getaria e como siempre estupendo), enorme placha la de Zarautz -més familiar la de Guetaria-, txacolí eta sagardo (a la salut de totz) en la sagardotegia (`sidrería´) que i heba a'l canto el caserío e muto esukera. Ixa costa de Gipuzkoa ye an que més conservato yera el euskera antes de la suya recuperación. A la chent d'es caseríos mismo les cuesta de charrar castellano (perque yo no paso del eskerrik asko, kaixo, agur e en es míos tiempos chóbens muxu bat, eta beste bat `un beso, e un altro´), e yo m'acordabe d'ixe capítol d'el Quixote d'el vizacíno. A un hombre d'un caserío que le pregunté per cómo arribar ta'l que inos no le saliba la parola izquierda, e ixo que ye un vasquismo en castellano.

E Zilia que se'l ha pasato como el que ye, como una enana. Me pensabe que le faría bel poquet de miedo, pero el chueves de tardes que ya baixemos a veyer la mar ta Zarautz se fotió ta dentro sin pensar que iba vestita, ni que i heba olas més grands que era ni cosa. Se'l ha pasato de pistón, totz es días rebozata en l'arena e de l'augua ta la orilla e de la orilla ta l'augua. Caldrá repetir l'anyo que vien.

El primer día en Zarautz:
El segundo día tamién en Zarautz:
E el día de tornar en un carrusel de Donosti, m'encanta ixa ciudat:
De Getaria no i hai garra foto perque no me feba gracia de llevar la camara ta la placha, perque ye mui laminera, e l'arena le sienta como a yo una calz en las ...

miércoles, 16 de julio de 2008

Dica dentro d'uns días

Maitín, en plegar de troballar, me'n voi ta la playa con la familia. Més en concreto ta un caserío de Zarautz. I seremos dica el domingo, e -como comprenderetz- no faré cosa en·n'o blog (sí pas fotos, que le faré mutas a Zilieta). Que se preparen es bueis, que me's mincharé totz, e que corran el txacolí e es pintxos.
Pos ixo, como poco dica el lunes. Pero no me'n voi sin ficar-tos bel·la foto. Salut.

Yegua esvolutando-se en Lalarri:

El churro grand de Marmorés:
Una fembra de chizard que me pensabe que teneba la peste ixa d'es güellos e dimpués correba enta alto como el que ye: un chizard
Es churros d'el Cinca en Esquinadasnos:
E un marmotón, ¿hetz parato cuenta las patotas que tienen?:

lunes, 14 de julio de 2008

Varia

Cualques fotos de la semana pasata.
Pin negro baixando de La Estiva:
Yeguas en Lalarri:

Picos Pineta e Felqueral:Pineta, Felqueral e Marmorés dende La Estiva:
Campaneta:

Lirios

Ya en tenemos per tot, e ixo que encara no son salitos totz. Estas fotos son d'el sabado, dimpués que plevés de nuet, e antes que cayés una buena tronata.
Es azuls son es més numerosos, n'i hai a capazos:

Tamién en sale bel·laún blanco, como este de Las Articas:

E mismo bel·laún que debe d'estar mezclato, pos no ye d'un azul tant intenso como es altros:
Bueno, per hue ya ye pro de lirios, esperaremos a'l martagón, que igual esta tarde ya ye presto pa la sesión de fotos.

viernes, 11 de julio de 2008

Flors

Bel·la foto de flors d'estes días. Diz que mayo ye el mes de las flors. En este país el mes de las flors ye finals de chunio e prencipios de chuliol. Ya han salito es primers lirios e la farnacera ya ye en flor, maitín se no plebe ya les faré fotos.

Un bombolón libando:
Flor de nieu, bien grands:
Una cuqueta de Dios en la mil en rama:
E esta no sé cómo se diz, en un libro que tiengo diz que ye el Erigeron aragonensis:

jueves, 10 de julio de 2008

Dimpués de mutos días sin escribir cosa ni meter garra foto -yere inmerso en un proceso selectivo que per fin ye rematato, ya veremos en qué remata l'asunto- hue m'animo a meter-ie bel·la foto perque ya soi tornato enta la rutina. Las d'aora ven de paixaricos, alicas e alicastros, maitín se fa buen orache cuento con puyar ta Marmorés, an que el ibón debe d'estar encara chelato. Se i puyo ya tos ne meteré cualque foto.

Un trencahuesos, demasiato movito pero ye que yera muto leixos:Un par de paixariquetz:

Una gralla piquigualda:
Una alica, no sé se ye la cullebrera u la real, i heba mui mala luz e no le viyebe bien las colors per debaixo:
Pos ixo, espero no tener el blog tant a l'abandón como estes zaguers días.