martes, 30 de junio de 2009

Galvana

Ixo ye el que tiengo, e ademés me falta motivación pa continar con el blog, e no será per falta de fotos, que tiengo el obturador estricallato (pero que dure mutos anyos). Pareix que ya tenemos cullebrot de verano con esto i hai comentarios (anti luengas minoritarias, pero tamién bel·laún a favor) que no tienen per aón pillar-los.
Ya se verá en qué remata tot esto; tant e mientres yo sigo a lo mío, con las flors e ixas cosetas. Las fotos son d'ayer e d'anterdayer, que cuan me deixaban las tronadas aprofitabe.
¿Dica la proxima?
Una foto de silene:
Un martuel, buenismo (me'l minché dimpués de fer-le la foto)
Un detalle d'un lirio:

E un par de fiteumas:

lunes, 22 de junio de 2009

D'esta tarde

Esta tarde soi marchato dende La Estiva dica el Tozal d'el Turista per Puyatente, Las Opacas, Prebón e Es Huertos pa baixar enta Lalarri. Dimpués d'el sobo d'ayer no tenebe las piernas guaire firmes, pero he decidito de meter-me en forma e cal fer-lo se quiero puyar ta'l Perdido de tirón, que son 2000 metros de desnivel dende abaixo (altra cosa ye que a la fin el faya).Pero a'l que ibe, que fendo ixa corsa se m'ha meso un paixariquet "a tiro", e le tenebe mutas ganas. Son totas recortes de las orichinals, perque encara que no yera leixos, el mío 300 da pa'l que da, e la suya calidat ademés no ye gran. Contando con que el sol me daba de morros s'ha feto el que s'ha puesto (e se con esta captatio benevolentiae no vale, ya no sé qué més decir-tos)



domingo, 21 de junio de 2009

Marmorés

U Marboré pa's toristas.
Esto maitín soi puyato ta Marmorés, que tenebe ganas de veyer el ibón chelato. Pro que en yera, e pa días, perque heba caito una chelata buena. Ya que ibi'ere, m'he dito: "pues ya que i soi aquí me'n voi ta la collata d'es Astazus". Dende astí i heba una buena anvista enta Gavarnía e es Pirineus de l'altro "coté", encara que no se i viyeba el churro de Gavarnía, caldrá ir-ie bel día, pero la rota ye larga dende Bielsa.
Pero ya que soi arribato ta la Collata m'he dito: "Pues ya que i soi aquí, me'n puyo ta l'Astazu chicot". E ixo he feto. No soi puyato ta'l grand perque ya febe tarde, e ademés yere cansato. E pa muestra de la mía cursa tos deixo cualques fotos.

Esta ye una anvista d'el plan de Marmorés dende la Collata d'es Astazus, a la dreta el Perdido, e abaixo a la izquierda el ibón:
Estas dos son d'el ibón de Marmorés, poqueta augua se i vei. La primer foto ye de cuan puyabe, e la segunda de cuan baixabe:

E esta ye feta dende el balcón de Pineta u Volant de marmorés. La he feta a las 12 d'el mediodía, cuan no i hai uembras:
Pos ixo, en total un poquet més de 1600 metros de puyata pa celebrar que hue fa un mes queno fumo, e jolio se el he notato puyando :)

jueves, 18 de junio de 2009

Anvistas dende el Plan

Esta nuet, cuan tornabe de troballar, ha venito una tronata una miqueta rara: veniba dende Tella e Chistau e yera raso enta'l oeste, enta Marmorés e Pineta, per el que s'ha quedato una luz buenisma. Baixando, soi parato un inte en el Plan pa mirar-me enta'l cul de Pineta, e l'anvista yera la hostia, tos ne deixo un par de fotos (sin manipoliar so que brillo, contraste e saturación, que altra cosa no sé fer).

La diferiencia de color de la una a l'altra ye el polarizador, que cambea de fer la foto en horizontal u en vertical perque no'l he tocato mientres las febe.

miércoles, 17 de junio de 2009

El mes de las flors

En este país el mes de las flors son tres en reyalidat: mayo, chunio e mismo chulio. Prencipeya ya en abril con es narcisos per es pratos, pero a finals de mayo ya ye la explosión. Aora mismo podemos veyer flors de lis, orellas d'onso, jaras, la flor de la carronera, viboreras (no conoixco el nombre en aragonés, como de mutas altras floretas que ni an sé se en tienen), gallos, alcozons, la flor de la farnacera, chonzanas.... e las cypris que ya son pasatas.
Encara faltan es lirios, es martagons, una altra florata d'el cypripedium en altura, las siemprevivas.
Hue tos ne meto buena cosa fotos perque ya feba días que no i pinchabe cosa.

Esta ye una aguilenya (qui conoixca bel nombre en aragonés s'agredixerá)
Esta ye la grasilla (idem sobre es nombres en aragonés), insectivora era. Gosa creixer en paretons per an que caye augua, pero tamién se'n vei a'l canto es reguers d'augua per tierra.
Una floreta chiquinina que da muto chuego a la hora de fer-le fotos (no pas las mías, pero en fotonatura se'n vei bien pinchas)
Una altra orquidia:
La chonzana (Gentiana alpina, creigo), esta ye merecinal e se'n cría per es puertos:
Dos de flors de lis, esta tarde miraré de tornar-ie a veyer se foi bel·la foto millor:

La orella d'onso, le fan goyo es pacos e las pen·nas:
Un tipo de campaneta, tamién he de tornar-ie con millor luz:

E una preba de composición, pro minimalista:

martes, 9 de junio de 2009

Orquídias

Hue meto cualques fotos d'orquidias que creixen per el país. No conoixco garra nombre so que el de la Cypripdium (que ye la primera, como ya sabretz es que gosatz vesitar este blog). Se nunca se i pasás per aquí bel experto en orquidias e nos quiere iluminar, se l'agradeixen es suyos esfuerzos culturizadors. Salut.