martes, 25 de marzo de 2008

El puerto la Lera


"Nabatiando" per pachinas web de fotografía -quiero aprender a trastiar bien con l'aparato "d'arretratar" nuebo e dimpués con el photoshop, que se puede fer cosas que son la ostia- yere fendo-le una gollata a'l archibo d'el ordenador de sobremesa, perque el portátil el tiengo out per el momento, e espero que tienga soluzión...

Bueno, pos a'l que ibe, que he bisto esta foto que no m'acordabe d'era e m'ha pareixito maja pa meter-la aquí (e no pas en garra blog d'íxes de fotografos, que he bisto fotos pa cagar-se). Ye feta dende el Puerto la Lera, un d'es piors camins que he feto en·n'a mía bida, e que se puede biyer fendo una diagonal a la izquierda e enta abaixo, per la lera, que per ixo se diz ansinas el puerto.
Ya sabrez que puyar per una lera ye ir un paso entadebán e dos entazaga, pues en este le'n puez meter un més entazaga.
Fa güega con Franzia, e enta part t'allá no i hai buena ambista, pero enta part d'aquí no me direz que no mereix la pena. El día que fayé la foto no me quedó altra que almorzar correndo e medio chitato dezaga un paretón perque bufaba un aire dende "la France" que chelaba, fer la foto e tornar-me-ne a baixar uns 1.200 m. (debe d'estar sobre es 2.500 m, e salié caminando dende es 1.300 se fa u no fa).
Pero bueno, mereixió la pena, e cuan sepa cómo atrapaziar millor la foto... pues més encara.
Que tos faya goyo
P. S.: en la foto d'abaixo se puede intuyir el Puerto la Lera a la dreta d'el pico Felqueral, u sía, el pico de la dreta.

2 comentarios:

  1. Felqueral, qué barra me fas tenir, nino, qué ambistas més chulas nos penchas en el blog... Enorabuena, la berdat ye que poder leyer en belsetán -que ya me faría gozo de fer-lo igual- y, a més, poder beyer estas fotos ye tot un luxo. Estos dias se beyen los Pirineus dende casa mía toz pllenos de neu, qué ben.

    Per cierto, si tamé yes afizionau a la foto, te recomiendo de bisitar un blog ben majo: www.xatakafoto.com se i aprende mucho!

    Un saludo, y para cuenta no t'esllizes per ixas lleras, que conto que serán de mal puyar pero tamé de mal baixar.

    ResponderEliminar
  2. Baixar arrai, que ye como esquiar, pero parando cada poco a sacar-te pedretas d'en drento las botas.

    E sí que me fa goyo la fotografía,sí. Ya me miraré ixe blog que me comentas, pero no me baga d'adedicar-le tot el tiempo que caldría (a manullar la camara e a dar-le a'l photoshop), esto de criar te saca muto tiempo, pero el fas a gusto.

    Un saludo a tú tamién.

    ResponderEliminar