lunes, 13 de mayo de 2013

Anyisclo primaveral

Soi estato ya quantas vegatas en este puesto, pero siempre mirando l'agüerro. Pero l'altro día veyé una foto d'este lugar dende Sestrals e m'animó a ir-ie. La verdat ye que d'agüerro ye impresionant, pa que se te desencaixe la bariella d'admirar-lo, pero de primavera tampoco no ye brenca mal, con ixe verde electrico que tienen las fuellas d'es faus quan salen.E amés se nota este hibierno que hemos tenito con tanta nieu e augua, en sale per tot. En resumidas cuentas, que ye tot precioso, prencipia a salir flors per totz es puestos (e encara faltan las millors :-D) e tos consello a's que podiatz que no tos perdiatz la primavera en es Pirineus, que presientan aora tota la gama de verdes.
Un fau a'l que le tenebe mutas ganas (sobre tot per las venas) pero nunca no el hebe puesto pillar bien de luces:
 En el Puent natural de roca, mirando de fer bel·la abstracción (no sé se el he conseguito):
 No m'atrevié a pillar un punto de vista més baixo, las leneras esbarizaban cosa mala e i heba muta corrient (se me i caigo me'n voi de capeza ta'l Puent)
 Aquí el río baixa una miqueta més tranquilo:
 Un barranco lateral:
 Unaltro puesto que en vale la pena de visitar:
 E el barranco d'A Pardina, an que cayé de grapas fa uns meses :-):
 E ya, baixando, m'entretenié con la flora.
Aquí la Pinguicula grandiflora a punto d'ubrir-se:
 D'esta, la Scilla lilio-hyacinthus (u Ixacinto, como la casa d'Estaroniello) en hebe visto en la zona d'el Puent pero yeran sin ubrir. Quan baixabe en trobé una pila ya en flor, e la verdat ye que son preciosos, e més perque encara no es hebe vistos montesins. Yeran a'l canto d'el Cardamine heptaphylla, asinas que deben precisar las mismas condicions ambientals:
E ya quan tornabe enta casa, dende el mirador que i hai antes de Vio, una imachen clasica:
  
P.S. E bueno, pareix estar que aora este blog ye escrito en LAPAPYP, pero me niego a comentar esta lei que me pareix subrealista, asinas que yo continaré charrando d'aragonés e catalán.

10 comentarios:

  1. Vaya serie tan extensa y buena ta has marcado. Me gusta especialmente ese chorro de luz acuoso que se ve en la tercera foto. Un saludo

    ResponderEliminar
    Respuestas
    1. Gracias José. Este sitio es una maravilla, en poco más de 100 metros hay unos cambios impresionantes.

      Eliminar
  2. Chabier...no me calientes...que me vengo para aca...

    son de esta semana ?? estoy pendiente de la Meteo, solo falta que se ponga a nevar...jeje

    Añisclo es uno de los objetivos...

    salut
    joan

    ResponderEliminar
    Respuestas
    1. Son del sábado :-)
      Hay tantos sitios donde ir... Pero sí, Anyisclo bien se merece una visita.
      Salut.

      Eliminar
  3. M'agrada com baixa de ple aquest rierol (3ª foto)...al menys jo les vegades que l'he vist prou feines portava aigua. Si me tingués que quedar una imatge, sens dubte que em quedo amb la 5ª per composició i contingut.
    És d'agrair que segueixis amb la teva línia lingüística ;-)
    Enhorabona!

    ResponderEliminar
  4. Gràcies per passar, Pere. Aquest lloc és fantàstic.
    Pel que al tema de llengües, jo soc filòleg i tinc les coses prou clares i és evident que el que es parla a l'Aragó oriental es català, li foti a qui li foti.
    Salut.

    ResponderEliminar
  5. Añisclo...le tiengo yo especial cariño a ixa bal. Ye más polida y bastante menos frecuentada que Ordesa y, solo por ixo, ya merece la pena.
    Iste mes m'en boi con una colla de escolanos míos a fer una ruta botánica per allí. Feré a entrada dica o camín de Sercué, puyaré dica lo lucar y m'en baxaré por a Espuzialla ta dimpues fer o circuito d'o molín d'Aso y a espluga ro moro. A bier si, por fin entra a primavera y nos dixa bel ´diya bueno.
    Salú.

    ResponderEliminar
  6. Anyisclo, como Escuaín, son las chirmanas chicotas d'Ordesa e Pineta, e per ixo tienen un encanto especial. Yo ya prencipié a veyer flora: pinguiculas, ixes lirios, saliba ya bel·la orella d'onso, leguminosas... pero encara falta dica que arribe el gordo.
    A veyer se tenetz suerte con l'orache, perque pa esta semana tornan a dar frío.
    Salut.

    ResponderEliminar
  7. me fan goyo as tuyas fotos ye mui bonica la val que invidia tiengo de no poder visitar ixas montanyas salut .

    ResponderEliminar
  8. Mutas gracias, Xavi. No cuento que estas montanyas se bochen en uns anyos, asinas que ya sabes a ón son. Salut.

    ResponderEliminar