Pos ixo, que no me vaga. Tiengo estas fotos fetas dende el sabado de buen maitín, pero entre unas cosas e altras (sobre tot el treballo) no m'ha vagato de puyar-las. Como totz es anyos per ixas envueltas (sobre el 10 de chunio), puyo a veyer cómo van las flors de lis u azucenas d'es Pirineus.No'n trobé so que dos ubiertas, pero este proximo sabado me fartaré de fer-les fotos perque en ixa zona n'i hai a embute. Pero la mía ideya yera fer qualque foto, mirar cómo iba la flora e fer la zaguera visita a las Cypripedium. E cosa rara, me vagó de fer tot ixo e tornar ta casa antes de las 11 d'el maitín.
E ixo, que aquí tos deixo qualque muestra.
La flor de lis:
Dos cuquetas que i heba per astí buquindo ya de buen maitín:
Un detalle d'una Plathantera bifolia con la banyadura:
Una Dactyloriza, no sé quál:
Las Cypris, que a estas no yere ito a veyer-las encara:
E unaltra que me pienso que ye una orquidia, pero no sé quál. Ye muit chiquirrina, pero espero que bell experto nos dé luz:
Au, el sabado espero tornar-ie.
Entradas
Jodo que fotos más polidas, mesache.Cuan siga mayor quiero fer-las, como poco, como as tuyas.
ResponderEliminarBueno, a veyer si puedo ayudate.
A dactylorhiza, si teneba as fuellas malladas ye seguramén una majalis. Si no las teneba y yera alta, debe estar una elata.
A zaguera ye una Listera ovata. No creigo que esté a L. cordata que ye muito más deficil de veyer.
Bueno, a continar disfrutando d'as flors que las tenemos agora a embute.
Salú.
Pos no sé qué decir-te. Se me dices cómo se pueden diferenciar, talment podiamos salir de dubdas.
ResponderEliminarSe puyas ta Sallent el domingo, podrinos conoixer-nos, pero yo encara no sé qué faré.
Mersi per la identificación. Salut.
Men bó ta Benás agora mesmo a fer monte. No se si tornaré lo sabado o lo dimanche, depende d'orache que faga.
ResponderEliminarSi tornase lo sabado, igual m'escapo o dimanche de maitins a refitoliar por Sallent dica l'ora minchar. Te nimbío o mio numero de telefono ta o tuyo correyo y si bienes ta Sallent me trucas.
Pd. si vas, no dixes de veyer a cipri d'ista bal y diles a os guardias que t'amuestren o menyanthes que cuasi ye más poliu que a orquidea ixa.
Hala, a ver si nos podemos conoixer.
Salú