viernes, 28 de agosto de 2015

Per la Val de Tena (I)

Per cada anyo, se puedo foi una escapateta d'un par de días a dormir ta la montanya. Goso aprofitar, no pas siempre, pa ir ta bell puesto t'an que no i soi estato u fa anyos que no i voi. Estianyo trigué la Val de Tena (puede estar que fes 18 anyos que no peteniabe per astí), en concreto es Ibons Azuls, pa poder fer fotos e, de paso, puyar ta bell 3000 inedito pa yo (es Infiernos, més concretament). Qué goyo me fa ixa zona. Yo cuento que ye perque ye muit diferent de la mía, tot de granito sin quasi caliza (e ixo que en la Valle Bielsa tenemos parte de la montanya de Parzán que ye granitica, pero no n'i hai guaire).
Pos ixo, que prencipié a caminar dende O Balneario de Panticosa a las dos de la tarde (yo siempre con ixes horarios tant rars) e, pensando-me que se me faría tarde, en dos horetas e media yere en l'Ibón Azul d'alto.
Las fotos d'ixe día.
L'arribata, con un solazo d'el copón, pero con uans boiras que prometeban:
 Enredando con las uellas (estoi que astí les dirán ovellas) de churra tensina, que no se gosan veyer per Sobrarbe:
 E un mardán que i heba per astí de no sé aón:
 Zagueras luces sobre Comachibosa/Vignemale, con el 100 macro (án yeran las boiras que i heba de tardes?):
 E con l'angular, pa poder veyer l'Ibón:
 E las zagueras-zagueras luces:
Estas son las d'el primer día, ya vendrán las d'el miércols.

2 comentarios:

  1. Ostres, quina sortida tan ben parida. Aquest llac té molt de joc. M'agraden les de darrera hora, de las zagueras luces ;-)
    A veiam que ens portes de la segona sessió....Una abraçada

    ResponderEliminar
  2. Moltes gràcies, Eduard. La Val de Tena és un lloc magnífic. Jo em queixo de la meva vall, però serà perqué son tan diferents que per a mi és guapíssima, i amés està plena d'estanys.
    Una abraçada.

    ResponderEliminar