jueves, 8 de agosto de 2013

Barrosa

Feba tiempo que no ibe per Barrosa. La zaguer vegata que i fue yera nevando, pero ixo no quiere decir cosa perque estianyo l'orache ye como ye, que nos va a tornar barrenatos a plantas, animals e animals de dos patas. Pa estar a l'altura de l'anyo que somos, he visto martagons en flor, martagons ya pasatos, bell lirio recient salito, martuels a punta pala (mmmm, qué buens), dactylorhizas, etc. Mismo tres robellons!!! Yo n'he visto, e plegato, a finals d'agosto, pero no pas a estas alturas.
Pero imos per partes, como deciba Jack el Estripador. Llevo un mes despertando-me sobre las 5 d'el maitín, el que ye una putada perque no me puedo tornar a dormir, per més que leiga, que me meta a veyer dovinaires en la tele, collas de "flamenquito", noticias, teletiendas... en fin, ixas cosas con las que implen la programación a ixas horas en que només es vichilants nocturnos e es que no podemos dormir somos veyendo la tele.
Pero hue, a diferiencia d'altros día que m'hebe de joder e quedar-me en casa, he puesto escapar-me e a una hora prudent, quan ya se i veye, soi ito -como he dito antes- ta Barrosa, a veyer se con una miqueta de suerte me i trobabe qualque cosa. No ye estata la millor sesión de fotos que he feto en lqa mía vida (encara ye per conseguir), pero siempre te baixas bel·la foto en la tarcheta.
Primeras luces sobre Robinyera, encara que yera nuble en ixe pico e per l'Este, e no s'ha meso guaire royo:

Ya cerca d'el cul de Barrosa, m'he trobato con un martagón encara con flors, e la foto me sirve pa fer la transición de paisache ta flora :-)

Aquí l'amigo Epibolium angustifolium (e se soi trafucato en la identificación ya sé quí me sacará de la error) :

E una Meconopsis cambrica una miqueta pocha dimpués d'el tronacil d'ahier. Imposible de mirar un millor enquadre perque yera entre bolos de granito, e yo ya tiengo una edat que no me permite de fer contorsionismo:

E aquí un escarabaixo que m'ha entretenito un ratet, con este sí que no m'atrivo a dar-le nombre (u sía, que ye un Escarabaixo spp. u npi):


5 comentarios:

  1. Hola Chavi...la vaca se te comerá el martagón...jeje

    Con lo bien que se está en la cama...hoy hace un fresquito muy bueno...

    ya estaría yo por tus tierras dando tumbos... bien, relajate con la naturaleza a ver si te entra sueño

    salut
    joan

    ResponderEliminar
  2. Me gusta mucho la primera Chabier, da una gran sensación de profundidad. Un saludo

    ResponderEliminar
  3. Vivo en medio de la naturaleza y no duermo bien desde hace años, así que ese método no me sirve... Más que fresquito, hoy hace fresco. Salut.
    Gracias Joan, la pena ha sido qu ehan fallado las luces, pero le he visto mucho potencial a esa cascada con un 3000 al fondo. Un saludo.

    ResponderEliminar
  4. A mi també m'agrada la primera ara, com molt be dius, i trobo a faltar la punta "encesa" del Robinyera. Un dels dies que vaig estar a Barrosa la natura ens va regalar aquesta visió i si és a l'hivern, quan el sol de sortida li dona directament és una meravella...però que et tinc que explicar a tu?? jeje
    A mi també em costa dormir...
    Salut!

    ResponderEliminar
  5. És veritat Pere, falta aquest cop de llum. La tinc feta com dius a l'hivern, però ja t'asseguro que aquesta foto no va triunfar gens ni mica on tu ja saps he he.
    Gràcies per passar.

    ResponderEliminar