En diferents pachinas e foros de fotografía que goso visitar a menuto fa días que i veigo fotos de flors (mismo prous orquidias) e tenebe mono d'usar el macro con flors. Como que aquí en la valle Bielsa encara no n'i hai (bel·la violeta, pero encara falta pa la explosión floral encara que es pseudonarcisos ya son a punto de salir) ahier de maitins marché una miqueta enta abaixo, ta Badaín, a veyer qué i trobabe per astí. Tampoco no ye que i hes gran cosa, pero més que no aquí sí: romero, hepaticas, l'aliaga quasi a punto, primulas e poqueta cosa més. Amés, como heba plevito ixa nuet, las gotetas les dan un plus a las flors.
Esta ye de las pocas que he visto per Bielsa, no sé quál ye, pero n'i hai blancas (menos) e moratas (més) :
El romer (Rosmarinus officinalis), barroco como er solo e muit fotochenico quan ha plevito:
Un narciso que no hebe visto dica ahier. el Narcissus alpestris:
Ya arribará mayo e chunio e seré yo qui de envidietas en ixes foros con la flora d'aquí.
Entradas
A primera, si no me trafuco, ye una Viola alba que, como o suyo nombre diz, la podemos trobar de color bioleta e tamién blancas.
ResponderEliminarYe relatibamén común y son de as primeras que surten en cuan beyen dos rayadetas de sol (ista añada solo en habrán beyito una con suerte.)
Salú.
Gracias per la información JMN. Ye la priemra en salir, pero aora ya se'n veye més. Ya no queda guaire pa que salgan, e a esta marchase'n fará mutas e de dos metros d'alto con tanta agua :-)
ResponderEliminar