lunes, 25 de febrero de 2013

5 anyetz de blog

Hue fa 5 anyos que prencipié a fer el fato con esto de blogger. Como mutas de las cosas que foi, el fayé sin plantiar-me-lo guaire per no decir cosa. Yere prencipiando con esto de la fotografía réflex con una Olympus 510 e pensé que yera un buen puesto pa amostrar el que yo pensabe que yeran las mías obras d'arte (aora las veigo e sé reconoixer que son malismas, las d'aora no ye que sían una marabilla, pero sí que son millors e espero continar millorando), pero el ibe barrechando con una miqueta de tot, sobre tot el tema de las luengas. E charrando de luengas, en bel·la ocasión m'han dito que se me cambiás ta'l castellano tendrí més acceptación. No el sé, pero ixo rai.
Amés de las fotos pa mirar de trayer chent que quiera fotografiar las cosas que fotografío yo en este Sobrarbe nuestro, una de las pocas cosas que tenebe clara yera que utilizarí l'aragonés (e la grafía, igual como las fotos, tamién ha amillorato en estes 5 anyos), que estoi que tampoco no ye tant difícil d'entender pa's charradors de qualsequier luenga romanica.
El numeor d'entratas ye ito baixando tarqual, e cuento que arribará bell día, talment no guaire leixano, en que me'n canse e tos canse e plegue. No el sé, ya se verá.
Pero bai, que no foi soque estroliquiar e es pocos que encara m'aguantatz e me visitatz sabetz que no goso escribir guaire.
Asinas que paso a las fotos dimpués de recordar que el blog fa cinco anyos. Este cabo de semana, a pesar d'el frío siberiano que ha feto, he puesto salir ta la montanya. Sobre tot el sabado.
Como tos digo, el sabado miré de fer las primeras luces sobre Treserols (unaltra vegata) pero cambiando el mirador. Asinas que me desperté a las quatre, e a las 5 prencipiabe a caminar dende Espierba. I heba luna plena pero a escape s'amaó dezaga de Treserols e habié de tirar de frontal. Llevabe las raquetas a las costiellas, manimenos no las fayé servir encara que i hai un paquetón de nieu d'el copón. La nieu yera chelata e no m'afunibe brenca. Millor m'habrían venito uns crampons en bel·la costereta antes d'arribar ta la punta Comodoto.
Feba frío pero tampoco no excesivo perque encara ye hibierno, e con buena ropa e es quasi 1000 metros de desnivel mismo sudabe. Quan arribé ta Comodoto yeran las 7:30 e ya faltaba poco pa que l'aurora de rosatos dedos que deciba Homero fes acto de presencia. Me minché l'almuerzo perque tenebe muta fambré, metié el tripode estudiando las fotos que farí, me metié el gore-tex e en ixe inte arribó la ola de frío siberiano, bufando un puerto que fayó volar el tripode de carbono e baixando la temperatura muto,e la sensación termica més (tanto que se me cheló l'augua que llevabe en la mochila). No me'n quedó altra soque brincar d'astí perque yera imposible fer fotos con el tripode levitando e las mías mans a punto de chelar-se per més guants de gore-tex que llevás.
Asinas que cara abaixo cagando-me en Dios per el sobo e el madrugón que m'hebe fotito per demés. Baixando enta el Due (que toponimo més bonico) miré enta zaga e, como i feba menos aire, m'asomé ta un cerro per no baixar-me-ne con la tarcheta vacía e astí fayé qualques fotos, que son estas. Arribé ta Espierba a las 9:30 d'el maitín, e l'auto me marcaba -4'5ºC, uno menos que quan hebe prencipiato a caminar.
Aquí tos deixo bel·la foto d'el sabado.
Enta Treserols:

Rubinyera royo como un carrón:

Enta Comodoto:

E enta el Mallo  Gran:

E hue tenebe curiosidat per saber se es Churros de Lalarri s'habrían chelato con este frío como l'anyo pasato. Asinas que, sin prisa, soi puyato ta Pineta. La verdat ye que encara que ha feto frío, no'n ha feto tanto e i heba una combinación d'augua e chel bien bonica. I hai un paquetón de nieu d'el copón, e he tornato a llevar las raquetas de paseo perque la nieu yera chelata. Soi puyato per lo camín d'es Churros fendo fotos e a escape ta casa. Aquí tenetz una muestra en orden ascendent.

  


Qué manera d'estraliar, ya ye prou.Salut p'altros 5 anyos como poco.
P.S. Tos deixo el track de la puyata ta Comodot, encara que no tiene posibilidat de perdida.

10 comentarios:

  1. Este comentario ha sido eliminado por el autor.

    ResponderEliminar
  2. No se que he feito en l'atro..
    Deciba que felicidades, mesache.
    5 añadas de fotos bien polidas.
    Ye platero, cal eitar os crampons siempre en a mochila cuan surtes ta lo mon en diyas de istos. Parixe una fateza pero un patinazo en o chelo de bel camín t'a jodito ro diya.
    Y aunque no te dixara fer fotos en a tuca igual se pueden fer fotos puyando o baxando ¿no? Yo es que soi de dedo rápido y no prexino mica as fotos. Las foi y ya. (asinas me salen a mayoría)
    Salud y a bier si plega ya a primabera, coño....

    ResponderEliminar
  3. Felicidat, Felqueral. Bell uns te leyemos y aprendemos muito en leyendo-te.

    Planta fuerte ta ras venients cinco anyadas. Exprisions!

    ResponderEliminar
  4. JMN. La cosa ye que yo no'n tiengo, de crampons. Se m'heses visto con el tocho d'abellanera e fotendo calces pa clavar es pietz :-D E las fotos aora, no pas fa uns anyos, ya las planteto con antelación, pero ixo no quita pa que aprofite las circumstancias que se presientan. Yo tamién tiengo ganas de primavera (ya se veye bell chito, mismo en Buixaruelo la semana pasata veyé bel·la hepatica nobilis en flor), pero seguro que se se fote un tiempo sin nevar, no m'importaría mica un plomazo en semana santa.
    Gracias, Charraire, no sabebe que i hes chent que aprendés leyendo-me :-)

    ResponderEliminar
  5. No deixes cap de les tres coses: la fotografía, aquestes caminades matineres y la teua preciosa parla.
    Felicitats pels primers cinc i a per cinc més :-)

    ResponderEliminar
  6. Moltes gràcies, Pepet. No penso deixar la fotografia, i menys encara la meua llengua. El blog per ara no m'aburreix, i amés és l'únic lloc on els propietaris accepeten les meues fotos :-D

    ResponderEliminar
  7. Felicidades.

    Te trajiste cosas chulas de Lalarri, aunque el frio siberiano no te diera al menos un rato para hacer algo en la cima de Comodoto.
    La 8 me gusta.
    Me apunto el track de la excursión.
    Un abrazo.

    ResponderEliminar
  8. Gracias Ángel. La subida no es complicada en absoluto, y si subes en verano desde la Estiva, pues prácticamente es un paseo.
    A ver si vuelvo el sábado si hace bueno y consigo la foto que buscaba.

    ResponderEliminar