jueves, 10 de enero de 2013

Barrosa

El 29 d'aviento amaitiné pa ir ta Barrosa a fer las primeras luces. No las tenebe totas con yo, perque i heba luna plena e no sabebe per aón la tendrí. M'acompanyó tot el camín dica que salié ya d'el pinar, alavez s'amagó dezaga de la collata que i hai entre Rubinyera e L'Almunia.
Miré un troz an poder fer bel·la composición aparent, con bolos de granito pa meter de primer plan (aora pareix que se no el metes ya no ye una foto he he) e a esperar a que arribasen las primeras luces sobre ixes dos picos que nombrabe antes. Yera la preciosa hora azul, ixe rato en que el ciel se mete azul perque ni ye de nuet ni prencipeya a fer-se de días. Bonito ye, pero d'hibierno ixa hora, estando-te quieto, te chelas (que vivan mutos anyos las mais d'es que inventoren el gore-tex e la ropa termica), encara que la temperatura no yera guaire baixa, yere a baixo cero. Pos ixo, que astí m'estié como un fato. A l'altro'l día, con l'amigo fotografo con el que puyé ta Benás, conveniemos en que somos frikis, que per mirar las millors luces (que no siempre trobamos) u nos fotemos uns madrugons d'el copón, u se nos fa de nuet en la montanya, u nos chelamos de frío u que me sé yo la de penalidatz que pasamos per una afición. E el pior de tot ye que la mayor parte de las ocasions, las fotos no valen gran cosa u no conseguimos el que tenenos en la capeza.
Pa este caso en concreto, me levanté a las 6 d'el maitín, e encara que la puyata enta Barrosa ye una fatera, el camín yera chelato e i heba trozos an que eslisaba cosa mala, pasé frío, se me rematoren las baterías de la camara (en llevo 6, dos nuevas que no m'hebe acordato de cargar e quatre viellas que no aguantan cosa e que las llevo pa situacions como ixa, perque encara me deixan fer bel·la foto) e las fotos no han tenito garra exito en la web de fotografos de naturaleza per an que me muevo.
Qué le imos a fer; sarna con gusto...

 La preciosa hora azul. No se i siente cosa, només la nieu cruixindo baixo las botas e las mans quan las esfrecas la una con l'altra pa que entren en calor :-)


Prencipian ameter-se las montanyas royas:
Las baterías dicen prou, e enta casa a buena hora:







2 comentarios:

  1. Pero merece mucho la pena pasar penurias a pesar de no triunfar en las webs ( a menos que decores las fotos con pseudopoesia y azucar ;-)), para disfrutar momentos así. Cuendo marchaste del Forau a buscar el papel de liar que habias perdido un poco mas abajo, fui consciente que me quede solo, deje de hacer fotos y aproveche para admirar el paisaje y saborear el momento. Eso no se paga, ni con votos, ni con comentarios, algunos vacios !!!
    A mi megustan, aunque no sean fotos espectaculares. Reflejan un´momento especial. Tal vez un poco azuladas ???
    Un abrazo.

    ResponderEliminar
  2. Sí, ya lo comentamos in situ, que merece la pena pasar eso, que somos muy frikis .-D

    ResponderEliminar