sábado, 23 de julio de 2011

Parnassius apollo e Epipactis palustris

Pos ixo, que hue de maitins he puesto escapar-me un ratet con un amigo a dar una vuelteta per la montanya. Caminar no hemos caminato guaire perque hue l'obchectivo yera la Parnassius apollo, una palometa bien pincha d'estas -e altras- montanyas. Asinas que somos itos ta un puesto de la valle an que sabenos que n'i heba, e ya hemos aprofitato pa puyar una miqueta. Como que ye una especie considerata vulnerable, me permitiretz que no dé la suya localización, encara que tampoco no ye garra secreto e yo la he vista a menuto e per mutos puestos.
L'anvista, tot e que no me sosprende perque ixas montanyas las tiengo muit vistas, yera bien maja.
Dimpués d'estar veyendo qualques marmotas e collalbas, somos itos a veyer el nuestro obchectivo principal de hue, esta belleza:

E ya pa rematar el maitín somos baixatos a veyer la Epipactis palustris, una de las zagueras orquidias que podremos veyer per este anyo. No fue mica fácil: l'aire, es repetens, es tabans e una colla de més de 50 críos dando guerra per lo río no nos facilitoren la fayena.
E per aora ye prou, no sé quán podré tornar a salir :-(

4 comentarios:

  1. A Izarbe le han gustado mucho la mariposa y la flor. Vamos a buscar más fotos bonitas que tengas.

    ResponderEliminar
  2. Si que és una bellessa, amb aquests lunars hipnotitzants.

    ResponderEliminar
  3. en has visto marmotas u "onsos"? no sé si te recordas de l'aventura con Marianer...
    d'altra man, desincusa si me pongo anque no me mandan, peró yo me pensabe que ye correcto fer-se una volteta, mas que no dar-se-la. esprisions :-)
    Manel

    ResponderEliminar
  4. Sí que en veyé, de marmotas, e prou que m'acuerdo quan le amostré a Mariano es supuestos onsos :-D

    ResponderEliminar