jueves, 2 de diciembre de 2010

Nieu

No ye la primer nevata que caye, de feto ye la cinquena. Las tres primeras estioren cinarratas que cubrioren es tellaus una miqueta. La d'el martes yera avisata e no sosprendió a dengún, pero la de hue no la esperanos perque no daban nieu, e n'ha caito més que el martes. El caso ye que a la una, quan me chitabe, el ciel yera raso como el uello d'un paixarico, e quan m'he despierto i heba sobre vente centimetros, talment una miqueta més. E per fin he puesto salir a foniar un ratet, que ya feba días que no podebe salir ta'l mont per diferents circumstancias (bueno, per una, pero important e que encara no "s'ha solucionato"). Hue sí, una minquirrina més d'una hora, pero ya m'ha feto buen prebo ir fendo tranya per la nieu zancera. No he feto so que quatre fotos, e tos ne deixo dos, una anvista cheneral de Bielsa dende el mirador que i hai en el camín que va enta Tella per Portillo, e una carronera chiquirrina que asomaba per dencima de la nieu.
Ya perdonaretz que tienga el blog a l'abandón, pero per ixas circumstancias no me vaga de salir :-(

Per cierto, que la nieu no se'n va ni a la de tres, e ixo no puede significar soque fa un frío que chela. Encara ibi ye en es tellaus e en es arbols, e ya el diz el refrán: La nieu d'el pin espera la de maitín.

5 comentarios:

  1. Los paisajes recien nevados son de una belleza casi insuperable...son mi debilidad...
    Buena foto!!

    ResponderEliminar
  2. Quina preciositat!!! Creia que el blog estava abandonat perquè ja havia sonat el xiulit... Moltes felicitats quan sone :)

    ResponderEliminar
  3. Jep, la verdad es qu ehoy sigue como recién nevado, sólo se ha apretado un poco, así que imagínate qué frío que hace. Da gusto salir tras una nevada.
    Jordi, no encara no ha sonat, però no tardarà gaire, en dies ja el tindrem a casa ;-)
    Mersi a's dos per pasar e comentar.

    ResponderEliminar
  4. Hola!
    Soi un blogueru asturianu y alcontré de casualidá esti blog. Escribote porque me sorprendió ver l'idioma nel que taba escritu y paeciome aragonés. ¿ye aragonés no? Prestome mucho lleelo porque soi un defensor de la oficialidá de los idiomes amás de que'l blog ye perguapu. Ánimo col aragonés. un abrazu.

    ResponderEliminar
  5. Ola Gabriel.
    Sí que ye en aragonés, en una de las suyas variedatz, la de la valle Bielsa més concretament.
    Munches gracies y puxa Asturies.

    ResponderEliminar