martes, 20 de julio de 2010

Martagón e Rosalia alpina

Esto maitín soi ito con un amigo fotografo (ixe que m'ampra el 100-400 quan imos a fotografiar paixariquetz) a fer fotos a'l lirio martagón. Quan ya n'henos feto pro e nos n'inos enta una altra mata de martagón, de pura suerte nos hemos trobato con un eixmplar de Rosalia alpina, que ye una mena d'esgarabacho que ye catalogato como en periglo d'extinción. He feto las primers prebas (no he puesto fer-le-ne so que quatre), l'he deixato a er que le'n fes, e quan me tornaba a tocar a yo la camara se m'ha bloqueyato e ya no he puesto fer-ne més, de fotos. He churato una miqueta e quan soi tornato enta casa ya heba resucitato, pero m'ha privato de pasar un buen rato. Bien se vale que a'l menos l'amigo ha puesto aprofitar (que me se yo la cantidat de gigas que i habrá gastato). Yo a'l menos ya sé án ye, e podré tornar-ie quan quiera.
E qualques fotos d'el martagón, que yera l'obchectivo de la cursa peroq ue de camin ha pasato a un segundo plan:
Esta ye feta con fondo artificial:
En fin, una pena que no l'haya puesto fer més fotos a la Rosalía, pero estoi que no ye la zaguer vegata que la veigo (u a'l menos ixo espero). Salut.

3 comentarios:

  1. Quina passada d'escarbat. Qué és verinós? amb aquests colors no m'extranyaria! M'agrada molt la compo, perquè no la puges a FN?
    El margatón ye bella foto, no es diu així? Què portes, una cartolina per fer aquest fons?
    PD: t'he deixat una explicació del processat per fer circumpolars. Et recomano Startrails (www.startrails.de), és molt pràctic.

    ResponderEliminar
  2. Ondià, ara que m'hi fixo, no surt publicitat!! Lesmeves pregàries han estat escoltades!

    ResponderEliminar
  3. Ja la hi pujaré, poc a poc ;-)
    Bel·la en aragonés ès alguna, no té res a veure amb el que tu dius, i ja había vist la explicació, però soc malissim amb el PS, aixines que cladrá fer probes. El fons ès natural, però avui n'he utilitzat un d'artificial, en la última, ¿que es nota gaire :-)?

    ResponderEliminar