domingo, 8 de noviembre de 2009

El primer nevazo

Diz, yo no el sé perque a ixas horas yere dormindo, que ha prencipiato allá a las 6 d'esto maitín. Sí que sé que ye ahora cuan pareix que se'n deixa, que ya ye pro. S'ha pegato nevando tot el día, e per se i heba dudas sobre se la TDT aguantaría més es nevazos que el sinyal analochico, ya no'n queda: cuan nieva se'n van es dos sinyals, l'analochico e el dichital.
M'han dito a las 15:00 que en Pineta i heba sobre 50 cm., e aquí no'l sé perque la nieu ye muto grasa (u sía, que lleva muta augua) e se'n caye de camín per lo peso. Las litz son cayendo que fa goyo de sentir-las cayer, pobres coches que sían debaixo d'es tellaus... espero que es míos se'n libren, ya es he aparcatos mirando que no les ne cayés, pero no ye fácil d'aparcar en un día como hue. Ya veremos cómo amaneix maitín, se con un pander de chel, con més nieu u con bonanza.
Una cosa curiosa, d'agüerro se viyeban mutas viespas, e diz que cuan n'i hai mutas ixo marca un hivierno de nieu, se este nevazo marca el hivierno que encara no ha prencipiato, ya nos podemos ligar las abarqueras. Tos deixo tres fotos de hue, pro a fes que no miran d'estar ni artisticas ni un prodichio de tecnica fotografica, deixemos-las en testimonials ;-)
Esta ye de cuan soi salito de casa con la filla (que se'l ha pasato de pistón chugando con la nieu), cuan prencipiaba a plegar en la carrera:

Esta ye feta dende el puent d'entrata, aquí nevaba con ganas:E esta ye de fa un ratet, cuan ya pareix que se'nquiere deixar:
Salut.

4 comentarios:

  1. S'ha de notar, ya son as montañas plenas de nieu. Para cuenta que ixas carreras son pa que s'estalipize belún por astí. Por zierto, t'has pasato a la fotografía urbana? ;-)

    ResponderEliminar
  2. No, no m'h epasato t ala fotografía urbana :-))
    ya tos decibe que yeran fotos testimonials, encara que -ixo sí- i he icluito linias de fuga ;-)

    ResponderEliminar
  3. Oye, que no vean estas fotos los moderadores, que te declararán OT por las rodadas de coche.
    Supongo que es el signo que anuncia el letargo inminente del valle. Disfruta de esas primeras nieves.

    ResponderEliminar
  4. Aquí los moderadores rai, que yo me lo guiso y yo me lo como.
    Ya perdonaretz per tener lo blog a l'abandón, pero ye que no tiengo mica tiempo, ni an pa fer fotos :-(

    ResponderEliminar