Este pobre animalot estió a punto de denunziar-me per acoso (u bullying u como rayos se diga ixo) de tantas fotos que le fayé e tanto que el encorrié. Gosa deixar-se biyer d'agüerro per es lirolers pa minchar-se ixes lulos royez; per ers compite con altros bichos como una pila paixaricos que i ban a minchar-ne (d'es que no'n sé mica, bel·laún suelto, pero cuan a'l rato me's boi a mirar ta'l libro toz me pareixen el que he bisto). D'antes més la chen se's comeba -a's esquiruels- bel·la bez, pero cal saber que es de pin son malismos (deben de saber a rasina) e es d'es nuquers buenismos. Conque ya el sabez, se nunca querez minchar-ne un, pillaz-lo de nuquer.
Bueno, ixo ye broma, aora que i hai sobrealimentazión (a'l menos en es países oczidentals), deixaz-los que brinquen per es camals.
Como faloria: un zagal madrileño que bibe en·n'a Billa se montó una empresa de deportes d'abenturas e le metió de nombre Esquiruelo, anque er pronunzia ejquiruelo. Cosas de la "dialecolochía" castellana.
Entradas
Tiens razón en o de Sobrarbe. As tierras ya son dibiditas abe años en os tozuelos d'os montañeses.Encara que he a dezir que yera charrando en terminos de 'comarcalizazión' de l'actual dibisión 'administrativa'.
ResponderEliminarNo t'espantes muito Emilia
ResponderEliminarsi puyas ta lo felcar
que, agazapiáu por los felces,
a Chabi te pués trobar
Pa Onset, ombre ya sé que el fas per l'actual dibisión administartiba, e güe tot el mundo se refiere a la comarca como Sobrarbe (encara que i hai un par de barians pro dibertitas que no son pa contar en publico). Pero encara i hai chen que no le fa goyo que tot sía Sobrarbe. Un amigo de Tella m'ha dito ya cuantas bezes: "Mi agüelo yera chiquilín, pero si l'esen dito que yera de Sobrarbe l'abría fotito un sobo a lo que le'n dezís".
ResponderEliminarPa Abargal, aora bas e el cascas. Yo que me pensabe que con este cheso tan majo que foi servir no me reconoixería ni mi mai, bas tú e me delatas, traidoraz.
Aibaaa, criaturica, qué majo. Jajajajaja.
ResponderEliminarYe que me ha feito asabelo goyo de beyer atro blog sobre natura y en beyer ixe esquiruel (no sabeba que se clamase asinas) me soi emozionau. En i hai per Aragón?? No pas per a iberica. Mesmo creyeba que no en i eba garra en a peninsula. A primera begada que'n beyé una estió en Inglaterra, en Oxford y en Londra...pero por aquí no pas.
Un saludo felquera!
¡O, alberto, mama mía si n'i hai!, a més d'un pobrichot d'éstes l'he pasato con l'auto per denzima, perque son una mica fatos a la ora de cruzar la carretera.
ResponderEliminarPer zierto, este blog no ye de natura, que se no sería pornogafico u, estricto sensu, zoofilo, que per aquí se diz natura a la naixenza d'es animals fembras. Tampoco no ye de soque de naturaleza, seno que i boi metendo fotos d'el medio an que bibo. Cuento que bel·la bez charraré sobre bel toponimo u sobre cualque cosa concreta de l'aragonés, pero boi aprofitando cuantas fotos que foi, he feito e faré.
Un saludo pa tú tamién.
Jajaja. Sé que a parola natura tiene ixe sinnificau. Pero cuento que en muitos puestos se fa serbir con toda normalidat como sinonimo de "naturaleza".
ResponderEliminarBueno ya me dirás an puedo trobar esquiruels, simplement ta beyer-los.
Estoi que no se dice "natura" como naturaleza en ningún puesto... ¡Para cuenta con ixa palabra, que te trayerá malos intes cuando puyes t'a montaña, zagal!
ResponderEliminar