Per Ordesa

Un día veyé per facebook que i heba pro chel per Ordesa e t'astí que i fue a veyer se repetibe, con millors trazas, unas fotos que tenebe d'anyos anteriors. Nunca trobas las mesmas condicions ni las ideals que llevas en la tuya capeza, pero siempre se puede fer qualque cosa.
Siempre goso puyar de nuet e foi las fotos d'alto t'abaixo, pa mirar de no trobar chent en Colsa de Caballo, sobre tot. Dimpués, tot baixando, siempre me voi trobando con montanyers e dominguers (las trazas, la ropa e, sobre tot, el calcer es delatan).

Sant Mitier

Poquet a poquet voi sacando las fotos que pillan polvo en l'archivo, e las que en queda.
Un maitín en Sant Mitier, antes d'ir a troballar.

Vio

Dende un d'es míos miradors, Vio permite de veyer la grandeza d'estas montanyas e la insignificancia d'el ser humano.

Una nuet en Plana Canal

Unas fotos d'una tardada, una nuet e un maitín pasatos en Plana Canal, pasata con l'amigo Javier Camacho e la suya familia. Una tarde-nuet de risas e charrazos sobre fotografía e montanya.

Tardada

Tardada dende Guaso. me fa muto goyo l'hibierno, pero ixo de salir de troballar a las 5 e que no te vague d'arribar ta garra puesto interesant a fer las zagueras luces ye un conyazo. Dende Guaso.

Amaneixer

Pa un amaneixer d'es buens de verdat que i hai en muto, va e me pilla en la civilización, cagüen...
Chhusto em vagó pa puyar ta las murallas d'el Castiello.

Escuaín

Garoniando per las gáritz d'Escuaín este zaguer agüerro