miércoles, 23 de noviembre de 2016

Quasi Marmorés

L'anyo pasato puyé ta Marmorés, a primers de noviembre, a fer las luces de l'amaneixer con las primeras nieus e chels per ixas alturas. Podié puyar bien dica metá de l'embudo (u una miqueta més abaixo), an que habié de clavar-me es fierros en es pietz pa poder continar puyando. Estianyo la intención yera la mesam, pero con una semana de diferiencia e con la circumstancia de que i heba més nieu. Pero con tot e con ixo, quan se me mete una ideya en la capeza, ye difícil que, a'l menos, no mire de fer el que me propongo. Asinas que astí yere yo, a las 3 de la nuet, acomentendo enta Marmorés. Dica es 1900 metros puyé de pistón: rapido, quasi sin parar. A partir d'es 2000 metros la nieu ya yera contina e, el que ye pior, blanda. De cosa me serviban es fierros en es pietz, pero la picoleta me venió pro bien. Me costaba d'abanzar e habié de parar cuenta en un par de pasos una miqueta expuestos, fendo tranya pa clavar-ie bien es pietz e no foter-me un eslisón t'abaixo. A la fin arribé ta l'Embudo ya con una miqueta de preocupación, me clavabe en la nieu e me costaba d'abanzar. Quan arribé ta un paso con una canal dreta an que, se me cayebe, podebe baixar a tombos dica l'auto, decidié que ya yera pro: yere chugando-me el tipo e no ibe a arribar a la hora buena. Asinas que, con el criterio, prudencia u miedo que te dan es anyos, decidié de tornar-me-ne enta abaixo.
Pasé es dos pasos una miqueta expuestos e, ya en buen terreno, decidié d'esperar a veyer qué me deparaba l'amaneixer, encara que i heba boiras enta l'este, feba frío e tenebe es guants chelatos. Bien se vale que, diz que, es aragoneses somos tozudos e no me rindié, perque tenié unas luces como feba tiempo que no veyebe, mientres que se hes puesto arribar ta l'Ibón probablement no habrí puesto fer cosa.
Se hetz aguantato dica aquí leyendo este tocho, tos aliviará saber que ya ye pro, que meto ya las fotos :-)





4 comentarios:

  1. Well done ; La decision prudente y, evidentemente, las fotos.

    ResponderEliminar
  2. Gracias, Ángel, con 20 años habría pasado en dos botes y sin pensar. Se me nota la edad ya ja ja.

    ResponderEliminar
  3. Sempre penso que el qui fa les fotos porta dins seu tota l'emoció del moment de fer-les i això ens fa ser molt afortunats. Crec que en el teu cas aquest fet encara és molt més fort i difícilment ho podrem sentir els altres. M'encanten la tercera i quarta de la sèrie Una abraçada, company!

    ResponderEliminar
    Respuestas
    1. Estic enamorat 'aquestes montanyes, se'm nota gaire? XD

      Eliminar