lunes, 27 de julio de 2015

Astazus

Feba días que no salibe a caminar como cal. La zaguer vegata que el fayé, e no fue guaire, fue pa fer la Feixa Tormosa. U sía, que ya heba plevito (que ye el que se gosa decir, perque i hai una sequera gorda). Este cabo de semana querebe puyar ta Marmorés, t'an que feba anyos que no ibe. Deixé dito en casa (siempre que m'acuerdo deixo dito ta ón voi, no sía cosa que calga cobrar el seguro) que se me trobabe con fuerzas, mirarí de puyar ta's Astazus, pero contabe con que podrí per la falta de forma.
Asinas que con ixe obchectivo salié de casa a las 4:30 de la nuet (cosas d'el poco dormir) e acometié cara Marmorés. I puyé muto millor que no esperabe, asinas que endrecé enta la Collata que da vista (quan quiere) enta Gavarnía pa puyar ta's dos Astazus: el chicot primer e el gran dimpués.
Como la salida prometeba estar fura (a la fin quasi 1900 m. de desnibel), no me llevé ni an el tripode, asinas que las fotos son testimonials, fetas totas a pulso, como recuerdo d'una chornata montanyera que ya precisabe.
 Primeras luces sobre las Zucas, espectaculars. La primera con el 100 macro (tirando d'ISO) e la segunda con l'angular:


Debaixo d'ixa boira ye Gavarnía. Se veye la mía uembra, amés d'el Tallón, el Casco e Pico Marmorés:



Dende  l'Astazu gran enta la Plana Marmorés e Pineta, una envista espectacular con l'Ibón de Marmorés, Cilindro e la Tuca Treserols:

Enta l'Ibón e el Pico Felqueral, recortata en formato quadrato perque la parte d'abaixo no deciba cosa:
La diferiencia d'orache entre la cara norte e la sur:

E tot baixando, e aprofitando que el sol yera alto (las 11 a.m.) e que no feba uembras en la valle Verde, una foto dende el Volant de marmorés enta Pineta e las suyas montanyas:
E ahier puyemos totz enta Suelsa (Guillén en dinya a las mías costiellas), pero ixo ye unaltra historia.
Tos deixo el track per se nunca queretz fer-lo:



4 comentarios:

  1. Quan veig aquests paisatges d'alta muntanya em ve pell de gallina. Què poqueta cosa que som!
    Grandiosos paisatges i grans imatges.

    ResponderEliminar
  2. Jo estic acostumat, eduard, però quan pujo a una montanya d'aquestes amb vistes, em quedo amb la boca oberta de veure tanta maravilla. I sí, som molt poca cosa. Gràcies per passar ;-)

    ResponderEliminar
  3. Gracias José, pero el objetivo ese día no era hacer fotos bonitas. No me llevé la compacta por la simple razón de que no tengo :-D

    ResponderEliminar