jueves, 22 de enero de 2015

Una tarde per el Cuezo II

Fa poco, quais dos semanas, me'n puyé ta'l Cuezo perque l'atardeixer prometeba. No fue mal la cosa, pero feba una miqueta de pena de veyer la montanya tant pelata de nieu. Hue la tarde tamién prometeba: i heba boiras per lo ciel no guaire pretas, per lo que podeba haber buenas luces de tardes. E, sobre tot, aora i hai un paquete de nieu, que biena falta le feba. Asinas que dimpués de comer me'n soi puyato ta Espierba e dende astí china-chana dica la Sierra d'Espierba. No he foniato guaire perque i heba tranya feta de chent que heba puyato con raquetas (yo no llevabe soque molatieras), pero dende La Collata enta Sarratillons e ta'l Cuezo he habito de fer tranya yo e m'he meso un buen sobo. Suerte que he trobato recompensa (se fues creyent dirí que la Providencia m'ha recompensato) e m'he trobato con un atardeixer d'ixes que pillas cada 3 u 4 anyos. No he feto fotos soque enta Cotiella, perque enta Treserols e Fulsa saliba la gabacha e no dexiba veyer es picos. Ixo sí, tamién he de decir que feba buen frío, perque se m'ha chelato l'augua que llevabe. Tot baixando, bolismiaba e, de vez, se veyeba un ciel sin luna e plen d'estrelas. Yo ya sé que soi muit rar, pero i hai cosa millor que ixo?
Hue solo dos fotos, perque l'enquadre yera ixe e no m'atrevito a cambiar d'obchectivo perque llevabe es dedos encheberditos e me feba miedo que se me'n cayés bel·laún ta la nieu. Llevan un revelato rapido, estoi que cal adedicar-les una miqueta més de tiempo.



5 comentarios:

  1. Buf! Quina guapada!
    Horizontal o vertical? Totes dues Excel·lents, però la horizontal té una profunditat increíble.
    Enhorabona

    ResponderEliminar
  2. Preciosas imágenes! La luz y el color del atardecer son magníficos. Prefiero la primera foto.
    un abrazo

    ResponderEliminar
  3. Un aterdeixer preciòs. M'ha agradat la denominació de la "gabacha" :-). Doncs totes dues són guapes però pel meu gust em quedo amnb la vertical per la lectura tan directa i fàcil que té. Una abraçada

    ResponderEliminar
  4. Es difícil elegir, las dos son muy buenas. Quizá tenga razón Eduard. Un abrazo

    ResponderEliminar
  5. Moltes gràcies Pepet. Jo creig que em quedo també amb la horitzontal.
    Muchas gracias, Hilde. Un abrazo.
    Ja era hora de tenir sort i gaudir d'aquestes llums que sol veig en les fotos del mar he he. Gràcies per la teva opinió, Eduard. Una abraçada.
    Muchas gracias, José. Un abrazo.

    ResponderEliminar