sábado, 13 de julio de 2013

Lilium martagon frustrato e Epipactis palustris

De buen maitín he emprendito enta Pineta a veyer se ya yera en flor el Lilium martagon, pero no sé qué les pasa estianyo que encara no han floreixito, e llevan ya una semana igual, que no van entadebant. Amés, la mata que fotografiabe totz es anyos ya no i ye, e la hebe vista, asinas que cuento que bel·laún se la habrá llevata.
Las condicions yeran regulars: ahier plevió e i heba gotetas pero bufaba una miqueta d'aire, que pa flora flore (un buen chuego de parolas en aragonés he he). Con tot e con ixo m'he pasato a veyer el Lilium pirenaicum, que ya ye quasi tot pasato e m'he entretenito con altras flors antes d'ir enta la Epipactis palustris a que se me minchasen es repetels, la puta que es va parir qué mala folla tienen e como fizan es putos bichos. E ye que en el puesto an que creixen i hai una densidat de población de repetels, chibosos e tabans como de chinos en Pekín, u més.
Un Lilium pirenaicum una miqueta pocho ya:

Aquí integrato en el paisache :

Un Anthericum lliago:

Un Iris latifolia, que son comenzando a ubrir-se pero que no me dicen cosa perque n'i hai mutos:

Gymnadenia conopsea:

E la protagonista d'el día a falta d'el martagón e con permiso d'es repetels, la Epipactis palustris:  



Me'n soi ito quan unas 500 fornigas puyaban per una pata d'el tripode, 50 per la mía garra e unas 3000 conspiraban pa furtar-me la mochila. E ye que quan yere chicot me marcó la peli ixa de La marabunta (mismo tenié pesadillas) e es suyos muesos me fan bailar la polka.





4 comentarios:

  1. La cinquena foto Chabi, la cinquena!!! Bona feina i bones fotos. Una abraçada

    ResponderEliminar
  2. Doncs a mi em sembla tan normaleta com les altras :-D
    Gràcies i unaltra abraçada.

    ResponderEliminar
  3. Dimpués d'a Cypri, a palustris ye a mes polida de totas as orquídeas...al menos ta yo...siempre ye una alegría trobala en a orilla de bel barrancucho...
    Como siempre, polidismas fotos. Salú

    ResponderEliminar
  4. Sí que ye bonica JMN, e destaca per dencima de mutas altras, pero no pas de la Cypri :-)
    Gracias e salut.

    ResponderEliminar