domingo, 25 de noviembre de 2012

De buen maitín

U millor dito, bien de nuet. Fa días que tiengo esta foto en la capeza. Bueno, la foto e la puyata, perque siempre que soi estato per ixe cabo soi puyato en auto. E perque me i han llevato, que yo no tiengo 4x4. Asinas que dende fa días pienso que quan sía tot bien plen de nieu (que puet estar que sía esta semana), i puyaré a fer esta foto. Pero como sabebe per aón caleba ir pero no hebe feto nunca ixe camín, marché con el GPS pa tener la ruta presta pa quan i vaya con nieu.
La verdat ye que debe d'haber-ie una anvista buenisma perque vas per la divisoria entre Pineta e Ruego, pero como yera escur como una lupatera, no se i veyeba ni pa churar. Salié d'Espierba a las 6:10 e arribé ta la Plana Fonda a ixo de las 8 d'el maitín, chusto antes que el macizo de Treserols se metés royo como pocas vegatas el hebe visto. Una vez fetas las fotos, e chelato de frío (nota mental: no cacegar unaltra vegata el tricot mientres puyo e llevar-me més ropa quan i haiga més nieu, sobre tot es guants recios), enfilé enta Lalarri, perque ya feba días que no hebe baixato de la Estiva enta allá. Chusto antes d'arribar ta Lalarri veyé el camín que marcha enta el Refugio de Pineta, e como nunca no el hebe caminato m'endrecé enta astí. Pero quan arribé ta la Lera Sacos no i heba ni rastro d'el camín (cuento que la lera se movería con tot el que plevió d'octubre) asinas que enfilé dreto enta abaixo per la lera dica la Ermita de Pineta.
Un consello, se nunca queretz seguir el track que he marcato, no tos metiatz per ixe camín que tos decibe, itz ta Lalarri e astí ya decidiretz se baixatz per el GR-11, per lo camín d'es Churros de Lalarri (que pa yo ye la millor opción) u per la pista. Ah, e preveyetz un auto en Pineta.
Aquí va qualque foto pa que veigatz cómo cambia en pocos minutos, tos recomiendo punchar dencima, sobre tot en la zaguera.




E aquí el track.

4 comentarios:

  1. Espectaculares Chabier, en la tercera sacaste el tele y la ultima, un pasote.
    Un abrazo.

    ResponderEliminar
  2. Ángel, ¿qué tele? Ya sabes que suspiro por uno, pero no lo tendré en muuuuuuuuuuuuuuuucho tiempo. Está hecha a 35 mm, porque no recuerdo haber cambiado puesto el 50 mm. Ya me miraré los exif.
    Le he mandado los RAWs de la panorámica a Javier y ha sacado petróleo de mis humildes fotos, cómo se nota la diferencia de saber procesar a no tener ni idea :-(

    ResponderEliminar
  3. recordo haber fet fa tres hiverns este camí en neu, i és meravelllosa... no deixis de pujar a Comodoto les emocions són màximes!!!

    ResponderEliminar
  4. Jerkout, aquesta és la idea que tinc, tornar-hi a fer la mateixa foto amb tot ple de neu. La pujada al Comodoto la farè segons vagi de temps, per el que m'imorten son les llums damunt de Treserols.
    Gràcies per passar.

    ResponderEliminar