jueves, 3 de noviembre de 2011

S'emplirá Mediano?

No pas tanto, pero hue ha plevito con ganas, e aora torna a fer-lo con tronata. Esta maitinata, quan le dabe el biberón a'l borche a las quatre e media, m'heba pareixito sentir el río. Pero como a ixas horas no sé se soi yo u soi unaltro, el mío cerebro no ha procesato ixa información. Quan m'he levantato a las 7 ya pleveba de firme, cosa que ha feto mientres tot el día dica las 5 de la tarde. A ixa hora se veye que ya heba caito en Pineta 250 l/m2 e el Cinca baixa que fa miedo. Asinas que he pillato la camara e soi baixato a veyer cómo yera la cosa per Las Devotas, e ya veyetz que per Tella tamién ha plevito con ganas, perque ixes churros baixan de la montanya d'ixe lugar:

E el río baixaba tarqual. Aquí ya lleva l'augua d'el Cinca e d'el Cinqueta, dica L'Aínsa encara replegará l'augua de ríos como el Yaga, l'Irués u el Bellos, e de centenars de barrangos e barrangueras:
Quan tornabe enta casa, he cruzato el tunel pa dar vuelta en un apartadero qu ei hai antes d'arribar en La Enfortunada, e chusto antes de tornar a entrar en el tunel, baixa dos barrancos bien pinchos. Este ye A Canal de Rebudet, seguntes m'ha dito un de Badaín que me i he trobato:
E d'unaltra de la que no sabeba el nombre:
E ya el Cinca en Bielsa, antes de chuntar-se con el Barrosa. Ya yera de nuet (las seis e quarto, e ixo que encara no ye hibierno), asinas que le he meso una exposición larga de 30" sin saber se el foco yera bien u no, pero m'ha feto goyo el resultato:
E este cabo de semana estoi que se remata l'agüerro, fotograficament charrando. Dan augua a pozals e nieu a cotas baixas, de 1500-1600. E yo no podré ir a despedir-me d'er :-(
No s'emplirán es pantanos cn esta augua, pero una miqueta amillorará la situación, ¿que no?.

4 comentarios:

  1. Me gustan mucho las ultimas entradas que has hecho. En la anterior de Bujaruelo tengo dos fotos casi casi iguales, la 8 pero con el plano mas abierto y la 9, no es igual, pero, sin duda es la misma haya. La entrada de las lluvias de estos dias, espectacular, las Debotas debe dar miedo pasar por ahí.
    Un abrazo.

    ResponderEliminar
  2. Collons, si s'omplirà!!! Quin aiguat! Per aquí també està plovent molt, però res comparat al què ens mostres. Els colors no poden ser més vius i intensos, unes fotos xulíssimes. Salut!

    ResponderEliminar
  3. Per cert, quan tinguis aquest tele, només m'has d'avisar! ;-)

    ResponderEliminar
  4. Angel, ahora que no nos oye tu jefa, tendrías que haber venido conmigo para bajar al río en tramos en los que no se veía desde el camino, que con críos eso se complica.
    Roger, moltes gràcies pel teu oferiment, però falta molt de temps per a poder comprar-me-ne un, ja saps, la crisi :-(

    ResponderEliminar