viernes, 21 de enero de 2011

Caza fotografica

Fa quasi un mes e medio que tenié un borche (fartizo pero ploramicas), e ixa ye la principal razón per la que tiengo el blog olvidato. No puedo salir ta la montanya perque con dos fillos te falta horas a'l cabo el día, como pa ir-te-ne a practicar las tuyas aficions per astí. Asinas que m'he d'aconformar per ir caminando con el carret mientres apaseyo al nin·no per lo camín de Picaruela e me miro l'avifauna, sobre tot la torda d'augua (Cinclus cinclus) que quiero fotografiar bell día con uns amigos. L'altro día, un sabado que ibe con es dos fillos per astí, veyé en una nuquera chunto a'l camín una colla de mitos a's que habrí puesto fotografiar prou bien con el 100 macro, perque es tenebe a'l canto. Asinas que estes días m'he llevato la camara mientres camino per astí e a'l fillo le da una miqueta l'aire. Hue, que feba un frío que se chelaban las parolas a diferiencia d'es días anteriors que tenenos una primavera extra, me pensabe que tornabe enta casa unaltra vegata sin fer una foto quen en ixas veigo que viene enta yo un trencauesos, e no guaire alto. Como llevabe guants (e gato con guants no caza ratons) entre que he sacato la camara, la he enchegata, he meso bien es parametros e demés, ya pasaba el trencauesos La Pella. Con tot e con ixo l'he feto una foto quan s'aleixaba.

Paratz cuenta que llevabe el 100 macro, que tiene muit buena definición pero pa estes menesters se queda pro curto. Tiengo un sigma 70-300 pero ye lentismo d'enfoque e no me convence mica, el tiengo olvidato en l'almario an que guardo totz es trastes fotograficos e habe tiempo que no el saco. Per ixo, totas las fotos de hue las he tallatas considerablement (u sía, muto, arredol d'un 50%).
Malas que se'n ye ito, en la misma nuquera de la que se veye bell camal en la foto d'el trenca, i heba un cuervo u qualque cosa pareixita, e como no se moveba pos tamién le he feto qualque foto, encara que falla l'anvista perque u er yera muit alto u yo muit abaixo. Aquí el tenetz, entre ixe embordiecho de camals de nuquera. No feba soque esgritociar.
E ya quan arribabe enta el puent de la carretera, i heba tres tordas comendo en una carronera (prou que i minchaban carrons, se no qué altra cosa), e a ixas las tenebe una miqueta més cerca que no es altros.
Las tordas d'augua se me quedan muit leixo abaixo en·no río, pero bell día cayerán.
Las fotos no valen pa cosa, pero a'l menos soi tornato ta casa contento per fer qualque cosa en·no monte, perque se no ye per es fillos se m'enrobinaría la camara.
Salut, e quí sabe dica quán.

7 comentarios:

  1. S'enrobina la camara si et cau a l'aigua i no l'asseques, jeje. Fas bé de treure els nens a passejar, encara que faci fred. Això els espavila. Ara, assegura't que funciona bé el fre del carro mentre fas fotos, no sigui que quan acabis et trobis el nano practicant land-skiing pendent avall!!!!

    ResponderEliminar
  2. Igniszz, ja saps que la meua càmara no s'enrobina ni cauent a l'aigua :-)
    No sé si faig bé de treure'ls al carrer, pero no fa gaire un amic que va vindre de visita em deia que semblava un ós tancat, i al menys amb els nens puc sortir una miqueta, encara que sigui al passeig que fan els avis del poble he he.

    ResponderEliminar
  3. Eii ben tornat i endavant. Enhorabona i a canviar panyals. Tu torna quan vulgues que ja ens dónes prou amb les teues fotos.

    Per cert, abriga't bé perquè allà dalt ha de fer un fred al·lucinant!

    ResponderEliminar
  4. Sí que en fa, sí, de fred. Ara a veure quan vull nevar, que ja toca. Salut.

    ResponderEliminar
  5. ola! suert d'a mateta que puetz surtir a fer una volteta, yo tiengo un 4000 chusto a canto i no hi puedo puyar-lo per afers de seguranza. De totas trazas cal fer un poder i fer-se o preu. gracias por as fotos i os testos, te trovo a falta quio, quan puedas no deixes de ficar-ie cualcosa, encara que sían parolas, en reyalidat no ne cal 1000 por imachen. Felicitacions por o borche a tu i a tota la familia
    Manel

    ResponderEliminar
  6. Ieep, manel, qué leixo que yes, mocet. Encara que ya fa tiempoque no nos veyemos, a'l menos imos sabendo qualque cosa. Norabuena a tu tamién, gracias e un abrazo.

    ResponderEliminar