domingo, 22 de agosto de 2010

Una nuet en es Ibons d'Anayet

Habe mutos mutos anyos, estié en Canal Roya encara que no arribé ni an t'A Rinconada. Ixe lugar se me quedó en es pendients (n'i hai tantos en la mía vida que ixa caixa ye rebutient, sobreixen es deben). I soi tornato, m'han concedito el permiso -a veyer si n'i hai més- e i fue a pasar un par de días per astí per la montanya.
Esta vegata no le fayé guaire caso a la Canal Roya (finals d'agosto no ye la millor epoca pa viyer-ie flora) e me centré en la puyata enta's Ibons d'Anayet con un mochilón que pesaba més que una vaca en brazos. Arribé t'alto a l'hora de comer e me dediqué a mirar enquadres pa las nocturnas, preveyer luces, fer fotos, etc. Tenié suerte perque de tardes salió quantas boiras que millororen el ciel, que liso e laso no tiene guaire gracia. El puesto ye d'una belleza exultant, bien se vale que Aramon (Gobierno d'Aragón e Ibercaja) contribui a recordar-nos en qué mundo vivimos e se veyen en una collata es remontes d'Espelunciecha.
I fayé una pila de fotos dica que prencipió a fer-se de nuet. Es días anteriors ya hebe visto que la luna me faría una santchuanada: yera quasi plena. Pero saliba per lo sur, e esperabe que s'amagás dezaga de las montanyas e me permitís fer bel·la foto nocturna sin guaire luz. Como viyé que tardaría e yere cansato, me chité a dormir pensando que si me despertabe luego encara podrí fer qualque cosa. E estar medio insomne me venió bien. Ubrié un uello sobre las cinco, la luna ya no se veyeba e tenebe el carro chusto dencima d'el Midi d'Ossau, refleixando-se en l'ibón. Asinas que vencendo la mandria e desafiando el frío me metié a fer fotos dica que salió el sol.
Soi tornato muto contento d'es resultatos, e como siempre tos ne deixo bel·la muestra. Me queda un camatón de fotos en l'archivo, pero no quiero cansar-tos con guaires, asinas que aquí en va bel·launa.
Una anvista dende el camín que puya de Sallent:
Unaltra dende el mismo puesto pero con un enquadre diferent:
Dende la orilla de l'ibón:
Se fa de nuet, el viello volcán que estió el Midi pareix que torna ta la vida:
El que veyé quan me desperté, no ye mica mal ixa anvista:
La Vía Lactea u Carrera Sant Chaime sobre l'Anayet:
E mirando de fer una circumpolar, no podié estar guaire rato, dica que prencipió a veyer-se una miqueta de luz per l'este:
E ya, per fin, quan amaneixeba:

E prou :-)

6 comentarios:

  1. Este comentario ha sido eliminado por un administrador del blog.

    ResponderEliminar
  2. QUINA PASSADA!!
    Nano, t'has lluït! Són estupendes, sobretot la del midi amb núvols enganxats i les nocturnes. Veig que en general deixes molt aire, penso que una mica més tancat el pla es veurien amb més "força".
    Salut

    ResponderEliminar
  3. Gràcies, igniszz. La veritat és que quan las vaig veure a la pantalla de la càmara ja estava molt content. Pensava: "si no sòn mal de foc, hi han fotos bones", i crec que no ha anat malament.

    ResponderEliminar
  4. Felquera, he disfrutado mucho con esta entrada, por las fotos y por los recuerdos de la pasada noche de Perseidas que pasé en Anayet.
    http://elfotografoviajero.blogspot.com/2010/08/van-gogh-sin-estrellas.html

    ResponderEliminar
  5. Muchas gracias, Rafa. He pasado a ver tu blog y ya he visto tus nocturnas en el Anayet. Esa misma noche estuve cerca de casa, pero no habría sido una mala noche para estar en el Anayet. Las agendas son las agendas :-(
    ¿No pensaste en una invernal nocturna allí? Se pueden pelar palomos, pero el resultado sería espectacular.
    Gracias por pasar.

    ResponderEliminar
  6. Espectaculares todas las fotos. Te superas!!!

    ResponderEliminar