domingo, 24 de enero de 2010

Goluchos

En pasar Sant Antón, Carnestutas son. Ya somo en carnaval: ya ha pasato Sant Antón, ya hemos feto la mataziya pa la penya e ya salen es goluchos per la carrera.
Es goluchos son uns personaches d'el Carnaval de Bielsa que salen es días antes de Carnaval. Son chent disbrazata con ropas viellas, caretas e pelucas pa que no se les conoixca, asinas como coixins u almadas pa que no se reconoixca per lo volumen. Es chicotz van per las casas pa arreplegar lamins, mientres que es grans van per fer-les miedo a's nin·nos de las casas e beber-se el vin, comer-se el pernil e fer bel·la broma a's adultos. Ye important no charrar pa que no te conoixcan.
L'altro viernes per las carreras de Bielsa igual i heba 20 goluchos e goluchetz. La mía filla cuan salió d'el cole ya iba con la idea de vestir-se de golucho, e s'achuntó con altras crías pa ir per las casas, asinas que, chunto con un altro pai, me tocó ir "pastor". Fayemos una rondeta per qualques casas e bars, e cuan salino d'un bar nos trobemos con altras collas de goluchos e las nuestras quasi se cagan de miedo, las cagosas d'eras.
Este ye el mío goluchet antes de salir de casa:
Aquí uns pocos goluchetz antes de fer la ronda, esperando a que salisen es altros:

Aquí trucando en una casa:
E aquí cuan se chuntoren con altras dos collas de goluchos (uns chicotz, altros medianetz e altros grans), dimpués de que se les pasás el espanto inicial a's chicotz:
Ya no queda soque tres semanetas, tres semanas de cenas, farteras, amanar es disbraces e pasar buens ratos.

4 comentarios:

  1. Qué tradición más maja, que sólo se puede hacer en esos pueblos perdidos entre montañas, fruto muchas veces del aburrimiento que trae el largo invierno. Me recuerda otra costumbre de mi pueblo, en la que uno de los quintos se disfrazaba de diablo el día de los inocentes y se hartaba de correr a espadazos a grandes y pequeños por las calles, y por supuesto, también se hartaba de comer y beber por las casas. Eso que no falte!

    ResponderEliminar
  2. Que no se pierdan estas cosas. Ademas los crios se lo deben pasar cañon...y los que no son tan crios !!!!

    ResponderEliminar
  3. Qué bien que os ninos -o futuro- mantiengan y faigan suyos os costumbres de siempre. Buen reportache fotografico y periodistico :) ya fan miedo, ya, pero se lo pasan prou bien.

    ResponderEliminar
  4. En Ciresa claman garruchetas a qui vusotros clamaz goluchos...

    ResponderEliminar