miércoles, 30 de septiembre de 2009

Anyisclo

Aprofitando que hue tenebe fiesta e, sobre tot, que yeran es buelos en casa pa fer-se cargo de la filla (despertar-la, llevar-la ta'l cole, ir a buscar-la, dar-le a comer...) soi marchato cara Anyisclo, que ya feba días que le tenebe ganas. Encara que me fa una mica de vergonya decir-lo, garra vegata hebe pasato d'el puent de Sangons, e querebe puyar, a'l menos, dica A Ripareta, t'an que i soi arribato.
Encara que es faus no son amarillencos de tot, ya prencipeyan a cambear la color (mismo bel·la un ya ye amarillo amarillo) e ye precioso. Cuento que t'allá ta'l Pilar estará ya en el suyo esplendor, estoi que no podré escapar-me-ie una altra vegata. Pero bueno, rai, el deixaré p'altro anyo. El caso ye que como ayer me tornoren la mía camara -yera en tallers- me'l he pasato como un animal fendo fotos. Tos ne meto cuantas (u mutas) que no fan honor a la belleza d'ixas gáritz d'Anyisclo. Como siempre, pa fer-ne bel·la una pinganetiando per ixes cilletz.
Tamién m'ha venito bien que fues nuble preto, asinas he puesto alargar es tiempos d'exposición (bueno, he tirato con prioridat d'apertura, pero tamién tiene a veyer aón midas la luz pa que te dé un tiempo u altro, ya elsabretz pro) a truca de sacrificar es ciels, pero hue m'estimabe més de fer-les fotos a l'augua e a's faus, que ixes cillos d'Anyisclo siempre i serán.


Esta d'alto ye la costra d'un teixo enorme, n'i hai un par que son es més grands que he visto en la mía vida, e d'éste m'ha feto goyo la textura.
Espero que tos fayan goyo. salut.

6 comentarios:

  1. fan goyo, uff, qué gozada de fotos.
    Cómo cambia el paisaje en unos meses, y de un día para otro. Un ambiente de otoño incipiente que ya nos hace babear. Buen reflejo de la belleza de este valle. Salut

    ResponderEliminar
  2. Realmente lo has pasado genial esta mañana, se nota por la cantidad y calidad de las fotos que has hecho. Mi mas sincera felicitación. A cual mas bonita. Un abrazo.

    ResponderEliminar
  3. Lo de anónimo es que no me acuerdo de la contraseña y no me deja identificarme. Vilu = Angel

    ResponderEliminar
  4. Soy bien seguro que dimpues d'as fotos t'abras fecho un buen almuerzo ¿no?.... "Dimpues do treballo bien fecho y as tripas sin roñar ¿que mas pues asperar?"

    ResponderEliminar
  5. Belleza en estado puro, me encantan esta galería de aguas "salvajes". Unas luces impresionantes con unos colores preciosos. Felicidades!!!!!

    Nicky

    ResponderEliminar