sábado, 7 de marzo de 2009

Més nocturnas

Ayer marché, una altra vez, a fer fotos nocturnas perque me pensabe que con la nieu que heba caito estaría tot mui majo, e en yera. La pena ye que i heba desmasiata luna e con es 8 minutos d'exposición no saliban guaire bien. Como no feba orache pa estar fendo prebas de diafragmas e tiempos, en ficié unas poquetas e me'n torné enta casa. Es resultatos no rematan de convencer-me guaire (per no decir mica), pero ya que i fue pos en meto bel·la una. Torné a marchar cara Tella, e bien se me'n valió que dica el Dolmen -u Losa la Campa- encara no yera mal la carretera, ya no puyé per Lo Pinar perque astí i habría més nieu e chel enn'a carretera. Pa ir ta'l Dolmen per el camín i heba en bel cacho an que m'arribaba la nieu dica es collons (literal), e un aire que no me tiró la camara con el tripode perque el metié baixo pa que fes menos resistencia. El resultato estió este:
Ya baixando, dencima de Cortalavinya, e podendo-me estar en drento el coche, torné a fer-le una foto a Penya Montanyesa e Penya Solano, e le la quiero dedicar a O Zagal, va pa tú, per el contacto con el país.

3 comentarios:

  1. Fotos boniques! M'encanten les muntanyes! I la teva temperatura demà! Consideracions des de Finlàndia!

    ResponderEliminar
  2. Encara no t'has chelato dondiando por astí? A segunda parix que seiga de día. Cal reconoxer que te quedan 'de luxe'. M'encantan.

    ResponderEliminar
  3. Grazias por a dedicatoria,o sabado en l'alcuentro de Laspuña en Barcelona y entre trago bin y mueso en as pizcas fizimos bello comentario d'as tuyas fotografias .
    Me pienso de que portaras os calzonzillos marianos y a camiseta de felpa ta no chelate por as nueis.

    ResponderEliminar