jueves, 18 de septiembre de 2008

Dende l'atalaya

Ya feba días que no actualizabe el blog, ya perdonaretz. Tamién ye que en estes zaguers días no he feto garra foto que en valga la pena, perque ya soi esperando l'agüerro en plenitut, e ixo que encara le falta cuasi un mes. Como ha feto muto frío (aire de puerto con las primeras nieus per es altos, no guaire, una zinarrata, pero pro como pa que te cheles) tampoco no he puesto caminar guaire.
Esta foto ya debe de tener cerca d'un mes, pero me pareix maja. Salié dende La Estiva cara Feixa Castiecho per Prebón-rodiando Lalarri per alto- e cuan ya yere a punto de prencipiar a baixar me paré a fer-me un fumarret e viyé a este chizard (como podretz apreciar ye un masto, e con buens cuernos) que atalayaba Lalarri dende una pen·na pero no me viyeba a yo. Lastima de no tener un millor obchectivo, ya en voi mirando per internet e le tiengo ganas a un, pero con la economía como va no soi segur de fer ixe gasto. Mientres nos habremos a aconformar con el que tiengo. Salut.

7 comentarios:

  1. Pues chen no'n i heba, e a yo le costó un rato de veyer-me, con que que me sé yo, pobret

    ResponderEliminar
  2. Paix mentira como no se s'estozolan per ixas peñotas

    ResponderEliminar
  3. Ya son pinganeters ixos animals siempre candaniando por os pinganez, pero no s'estalapizarán. Parix bien reflexivo...
    A qué animal ye de mal fer fotos?

    ResponderEliminar
  4. No s'estalapizan perque son fetos a'l suyo medio, ye pa veyer-los puyar per las garroteras, leneras, nieu... e tot cara t'alto. ¡Quí podés puyar como fan ers!
    Es animals per un regular son totz difícils d'afotografiar de cerqueta en estato salvache. Cal conoixer es suyos costumbres e el suyo medio pa poder fer-les fotos en condicions, per ixo es bichos que yo més he puesto fotografiar son es chizardz e las marmotas. Me faría goyo de prencipiar con las aves, pero pa ixo requiero tiempo e un hide. Tot arribará.

    ResponderEliminar
  5. Si no tiens guaires ideyas ta fer fotos u no en tiens agora, puez fer, si quiers, ye una socherenzia, de chamineras (yo en tiengo pocas y no son guaire buenas).

    ResponderEliminar
  6. La pena ye que en Bielsa no'n queda -bel·launa en Espierba e una en Chisagüés-, e la verdat ye que de la Villa u Pineta de verano en salgo poco, e este hivierno cuento que tamién en saldré poco.
    Pero bueno, cuan arribé de verdat l'agüerro ya tendré motivos pa "arretratar", no te'n fayas per ixo.

    ResponderEliminar