miércoles, 9 de mayo de 2012

Fornos

El domingo m'escapé un ratet a caminar, e como que no tenebe guaire tiempo, decidié d'ir ta Fornos perque ye un ratet d'ir-ie. Ademés, dimpués de tot el que ha plevito estes días ta zaga (mismo hue ha plevito una brinquerrina), contabe que baixaría buen mangazo d'augua. E asinas yera, tanto que no podié cruzar el barrango (me foi mayor, e ya no m'atrivo a fer cosas que fa uns anyos habrí feto he he) pa veyer bien O Chorro Fornos. Mismo veyé que i heba unaltro frato en l'altra man d'el río per an que cayeba augua, cosa que nunca no hebe visto en las mías anteriors visitas a ixe puesto.
E como esta semana no m'ha vagato de fer cosa, dica hue no he puesto descargar las fotos pa veyer-las bien. Asinas que aquí las tenetz. Como captatio benevolentiae, he de decir que i heba muta augua e poca luz, e como soi un zote con el procesato sé que podrí deixar buenas fotos con l'ordenador (chuntando dos fotos, per exemplo), pero las deixo quasi quasi tarqual han salito de la camara.
Las fuents de Fornos:
 Una anvista cheneral d'el caudal d'O Chorro Fornos:
 Bell detalle:

 E aquí se veye una miqueta O Chorro:

2 comentarios:

  1. Una preciosidad con agua. ¿Sabes si el camino tira para arriba hasta el collado? Cuando fuimos nosotros parecía que seguía el camino.

    ResponderEliminar
  2. Se supone que sí, que se puede llegar hasta el Collado de Santa Isabel, pero no creo que el camino esté muy limpio. Debe de ser de difícil acceso. Salut, i gràcies per passar.

    ResponderEliminar