miércoles, 20 de marzo de 2019

Una tarde per l'Ibón de Plan

Una tarde de chiner, tot salindo de treballar, pareixeba que el ciel pintaba bien e pensé en puyar ta l'Ibón de Plan. Encerté con la tarde, pero fallé en deixar-me es crampons perque yera tot chel e baixando me fotié tres costalazos buens, per suerte sin conseqüencias.





lunes, 11 de marzo de 2019

Una nuet en Foratarruego

Esperando que per fin se cumplís una predicción, puyé ta Foratarruego a veyer se me despertabe con 10 cm. de nieu e, de paso, fer bel·la foto chula. A la fin, ni nieu (una misera cinarrata) ni fotos chulas, pero a'l menos torné ta un puesto an que feba 18 anyos que i ibe.



jueves, 28 de febrero de 2019

Muro de Roda

Muro de Roda, en A Fueva, ye d'ixes puestos que cal conoixer sí u sí: arte, envistas... e se pillas ciels con boiras lenticulars ya yela hostia.





domingo, 24 de febrero de 2019

Sant Mitier

Ta allá, a metat de chiner, i habió uns ciels chulos.




martes, 12 de febrero de 2019

Gentau

Las vacacions de Navidat no fueren guaire buenas perque l'anticiclón fue la nota dominant e no i heba mica nieu per la montanya. pero antes de tornar a treballar decidié de fer-me un chicot homenache e marchar a dormir per astí pa estrenar el sac de plumas que m'heba traito Papa Noel. Asinas que decidié d'ir ta un puesto que conoixebe per fotos, pero cuasi totas de verano: el lac Gentau, a la val d'Ossau. I puyé per Astún e no i heba mica nieu ta la man d'aquí, e una costra chelata en la cara norte.
Mientres i puyaba , veyebe un ciel raso que feba pena, pero bueno... La idea yera desconectar una mica antes de tornar a troballar. De tardes, el ciel s'apiadó de yo e se metioren boiras lenticulars enta l'este e una colors bien chulas. M'han dito que l'amaneixer ye una pasata, pero el que yo i veyié no valió mica, habré a tornar-ie.




domingo, 10 de febrero de 2019

Tarde de Reis

No, no me fotito garra trucazo en la capeza e me soi tornato monarquico. Pero estas fotos las fayé en la tarde de Reis una miqueta més abaixo de Puertolás. De nuet me trayoren una guía de la Sierra de Guaar, pero una miqueta antes me trayoren estas luces. Talment no m'he portato tant mal en 2018.



lunes, 4 de febrero de 2019

Chirar es Pirineus

A vegatas (con es nevazos, con las luces, el puto aire de puerto), me faría goyo de pillar es Pirineus e chirar-lo una miqueta pa cambiar-les la orientación.