Es Gorgos d'el Tromacal

U Ibons de la Munia, Ibons de Lalarri... mutos toponimos pa estes dos ibons a's pietz de Rubinyera e L'Almunia e an naix el río Lalarri.
La ideya yera ir-ie con la mía filla mayor a que fes el suyo primer 3000, Rubinyera. Le0n comento a un amigo e s'anima a benir-ie con la suya muller e es suyos fillos. La primer parte d'el plan, puyar ta's ibons e dormir-ie, la fayemos. El problema apareixió malas que crucemos la Collata de las Puertas.... Mama mía que aireras. L'aire que feba trencó una tienda, e es ninons habioren a dormir en dentro de la que llevabe yo, una d'ixas chicotas, e es mayors... se cosa quiers, a'l raso. Me i hebe llevato el tripode e la camara buena pensando en fer fotos a'l ciel, que ixes días yera espectacular, como podiemos comprebar dormindo a'l raso, pero no fayé garra foto perque l'aire m'habría emplastato camara, tripode e obchectivo.
Asinas que perdemés. ixo sí, como quasi no durmié, aprofité pa mirar de fer las primeras luces, encara que con ixes revolbins de puerto no i heba forma de fer fotos.
Con ixe airaz, consideremos que no yera prudent de fer puyar a's críos ta la cresta de Rubinyera perque en una volada igual se's llevaba, asinas que cara abaixo. Unaltro anyo será.
Tos deixo con las fotos de l'amaneixer: