Per fin el martagón

Ahier de tardes per fin podié fer una foto a'l martagón. El sabado me'n fue ta la montanya e veyé mutas matas encara sin ubrir (manimenos a la Val de Chistau m'han dito que ya se son pasatos). Las condicions yeran malas, poqueta luz e aire, pero dimpués que llevabe semanas mirando-lo per astí, pa una flor que me trobo no la podebe deixar pasar. Més tarde, ya baixando, me'n salié d'el camín e me trobé una mata que yera pa ubrir-se, a veyer se la sé trobar quan i torne perque ixa sí que promete.
Un guardafuents, con una apertura de 2'8 pa sacar-lo desenfocato:

Una anvista enta abaixo, con las boiras que descargarían de nuet:

E el martagón. Sé que la foto ye mala, pero prometo que miraré de trayer millor material quan i torne: