viernes, 18 de abril de 2008

Nieu d'abril

Esta foto ye de la basa que siempre se fa salindo d'A Buerda, que bel día d'estes bel·laún saldrá volando per el aqua-planning
Las Devotas (II Parte), güe pareix que baixaba més augua que l'altro día


E per fin, dende la finestra casa, cuan levaba un ratet plebendo

Encara que ayer daban nieu a 1.400, sobre las 9:30 ha prenzipiato a nevar a la Villa, pareix que se les ne ye ita un poquet la romana a's d'el orache, perque nusaltros somos a un poquet més de 1.000 m. Un ratet dimpués me'n soi baixato ta L'Aínsa e mientres que aquí nevaba con ganas, una miqueta més t'abaixo pleveba de firme. Ademés baixaban es barrangos, canals e canaluzos con buena cosa d'augua. El Cinca per debaixo d'el puent de L'Aínsa tamién feba goyo de viyer-lo, e cuento -perque no'l he visto- que el Ara tamién baixaría grand. Total que m'he llevato la camara fotos e aquí tos ne i metobel·launa.


Fa un rato se'n ha deixato de nevar e pleve, pero t'alto debe d'haver un paquet d'el copón. Ixo ye buen, que se faya sazón e que se vayan plenando es pantanos, que buena falta les fa, e que per Barcelona e la cuenca d'el Llobregat les ne caiga tamién, ansinas no habrán a foter-les l'augua a dengún.

3 comentarios:

  1. Que bellos lugares que fotografìas.
    Por que tanta agua?
    Saludos!

    ResponderEliminar
  2. As fotos son bien beroyas, como siempre. Comentando l'anterior actualizazión que fizes dezir que ixa chen que ha lebato a chuizio a Artur Quintana saben prou bien o que fan. Isto no estaría que una fateza sino porque ista chen tiene refirme politico y voz en seguntes qué puestos.
    No podié beyer o reportache sobre Bielsa (y sí que ye raro que se i charrase en belsetán conoxendo a os d'a tv aragonesa). Yo me chugo 50€ a que no meterán res en catalán en o reportache d'o Matarranya.
    A plantar fuerte.

    ResponderEliminar
  3. Bueno, Danielita, tanta agua es por la cantidad de lluvia que está cayendo este mes de abril, por otra parte es lo normal, o lo que debería hacer todos los años.
    Conyo, Onset, se apuestas en el mismo sentito que yo alavetz ya no fa gracia, encara que la tienga asegurata. M'han dito que esto maitín (domingo), l'han tornato a repetir, pero se no cuento que en youtube i podrás viyer-lo.

    ResponderEliminar