jueves, 20 de agosto de 2009

Chizart e pintaparetz

L'altro día, puyando per la montanya, podié alufrar estes dos animals. El chizard el tiengo més visto que el tebeo, pero la curiosidat ye que le fayé la foto con un gran angular (18-55 mm), con que ya podetz contar que el tenebe bien cerqueta, casi a tocar. El pintaparetz (Trichodroma muraria) ye una especie de paixarico que no ye de buen veyer. Fa tres u cuatre anyos el podié veyer esvolastriando-me per dencima en un barranco un buen rato, pero no llevabe la camara con yo. Ante ayer, cuan el guipé amané el 70-33, la pena ye que no ye estabilizato, el enfoque ye lentismo e ye un f/4'5, per el que a 300 mm. ye més escur que una lupatera. Per ixo se i vei ruido e no ye el enfoque bueno, perque ye feta a pulso e l'obchetivo no ye mica buen, pero ixo a yo ahora trampis, he tenito la oportunidat de fotografiar-lo, e espero que en uns anyos (e millor equipo) tienga una altra vez la posibilidat de fer-le fotos.


P. S. Encara tiengo a l'archivo una pila fotos, como las de la puyata de l'altro día ta Punta de las Solas (3022 m.), pero contino tenedo pro galvana con el blog.

4 comentarios:

  1. La del rebeco está muy bien, solo le falta girarse y saludar. Seguro que son ellos los que te tienen que tener ya muy visto.

    ResponderEliminar
  2. Bones fotos, no importa el que diguis de la segona... S'hi ha d'estar, i tu hi eres!

    ResponderEliminar
  3. Repoliu o trepariscos. Yo tenié la oportunidat de veyer-ne uno una begada, y en o diya d'o mio cabo d'año!... cuenta que regalo.

    Norabuena por o blog, lo veyemos asobén y ye espeutacular.

    Grazias por fer-nos partizipes d'as tuyas fotos.

    ResponderEliminar