miércoles, 10 de julio de 2013

Phyteuma orbiculare e més

Ahier de tardes tenié una horeta pa escapar-me e me'n puyé enta La Fuent B...., a veyer cómo iban las Epipactis palustris. Como el suyo nombre indica, creixen en una paúl (no existe ya el termino en luenga viva, prou que en toponimia) an que i hai chibosos, que ye el nombre que reciben es mosquitos que t'enclavillan (asinas voi), tabans, repetels e altros bichos que se deleitan e fartan con la mía sangre e epidermis. Les falta muit poquet pa salir, bell par de días (el sabado i tornaré con repelent) pero ya que ibi'ere m'entretenié con la numerosa flora que i hai. La verdat ye que el mont ye aora que fa goyo, perque con la caloreta d'estes días i hai multitud de flors e ye tot verde que rabia.
Las primeras, que me pareixen muit fotochenicas, son las Phyteuma orbiculare, de la familia de las campanulacias encara que no'n pareixcan:




Ixa paúl ye plena de Dactyloriza majalis, bel·launa con proteinas d'orichen animal:


E una Digitalis lutea con el río como fundo:

Prou que n'i heba mutas més (ya i hai tuera floreixita), pero hebe de tornar ta casa e no me vagó de fer guaires cosas.

2 comentarios:

  1. Guapa la serie Chavier... aunque sea verano a la montaña hay que ir siempre con pantalón largo...jaja

    salut
    joan

    ResponderEliminar
  2. Depende, si voy a fotografiar flora voy en pantalón largo (y más aquí, donde hay hormigas, tábanos y mosquitos que se alimentan de fotógrafos), pero si hace calor y voy de excursión o paisaje toca pantalón corto (aunque me llamen patas blancas je je). Gracias por comentar.

    ResponderEliminar