Sant Mitier I

Este cabo de semana fayé dos salitas ta la montanya.
El sabado de maitins me levanté bien luego. La intención yera ir ta l'Ibón de Plan e fer bel·la nocturna antes que salís el sol, pero yera muit nuble e foter-me ixe sobo yera per demés. Asinas que pensé en puyar ta La Estiva a veyer se i heba suerte e s'ubriba una miqueta el ciel quan amaneixés, perque daban puerto. Total, que una hora esperando, veyendo nevar e cubillando-me de l'aire que bufaba con alma pa cosa. A las 7.30 ya veyé que no i pintabe cosa e enta casa :-(
El domingo salió plevendo tot el día, e per prebar suerte marché enta la Tierra Plana, a veyer se tenebe millor suerte con l'orache. En primeras pareixeba que sí, pero unas boirotas que veniban dende l'oeste ya me fayoren veyer que m'ibe a banyar, como asinas fue. Pero antes de meter-se a plever fayé bel·la foto, ya que ib'yer...

Castillo Mayor II

Pa que no se me vaya acumulando la fayena, remato la serie de fotos que fayé en Castillo Mayor el viernes pasato. Fue un atardeixer muit buen, con las boiras per l'este e raso enta l'oeste. Quan el sol se metió baixo e es suyos rayos iluminoren las boiras, se quedó un espectaclo d'ixes que, amés de fotografiar, fa goyo de veyer e vivir.
Esta luz rasant m'encanta, e bien pocas vegatas tiengo la suerte de veyer-las:

 E el millor de tot yeran es cambios de tonalidat sobre Cotiella:

 La Penya Montanyesa e la cara norte de Sierra Ferrera:

 Castiello Mayor e Orodruin, digoooo Cotiella a'l fundo, con es zaguers rayos de sol:

 E el día se despide:

Fayé esta foto e brinqué a las quatre suelas cara abaixo, pa cruzar con una miqueta de luz ixas ralleras tant periglosas de Castillo Mayor, perque como fotas un piet en un frato d'ixes, te puetz trencar el seco la garra per cinco puestos.
A veyer qué depara este cabo de semana. Montanya seguro, fotos... ya se veyerá.

Castillo Mayor I

Pa rematar las vacacions de Semana Santa (qué cortas se m'han feto) me'n puyé el viernes de tardes ta Castillo Mayor. Las condicions yeran las ideals: gota fría que veniba con boiras per l'este e raso enta l'oeste. Ixo feba pensar en buenas condicions de luz, asinas que a las cinco e pico de la tarde salié de casa, puyé es 920 metros de desnibel (seguntes el mío GPS) e las siete e pico de la tarde yere en la punta. I hebe puyato d'aforro, con camiseta de manga curta, pero malas que i arribé me tocó de meter-me el forro preto perque feba frío, e a esperar a veyer se i heba buenas luces.
Hue no tos meto soque bel·la foto, perque en fayé pros.
Treserols:

 Con l'angular, prebando el pirtafiltros que ha caito con la venta de bel·la foto:

 Enta la Penya:

 El sol se va metendo rasant:

 Puertolás a'l sol:

 Treserols e las Zucas:

 Se va metendo interesant:

La proxima, més :-)

Escagüés

Aquí ando, apurando las zagueras horas de las vacacions de Semana Santa (snif) e mirando qualques fotos que he feto estes días.
La verdat ye que marzo e abril son dos meses que gosan estar poco productivos pa yo. Perque la vida encara no ha esclatato, es fondos de las valles son tristes e las puntas se emten periglosas per las litz.
Con tot e con ixo, quan tiengo un ratet miro d'escapar-me per se trobo luces per astí. Cuento que quan tienga un tele largo podré adedicar-me a mirar de fer fauna, pero mientres tanto...
Pos ixo, l'altra tarde me'n puyé ta Escagüés (u caldría escribir-lo Es Cauers) a veyer se tenebe un buen atardeixer.
Lierga e, a'l fundo, Penya Montanyesa:

Una de las bordas d'Escagüés:

 Zagueras luces sobre Lierga:

Mondoto

Encara que se pareixca a l'anterior (de feto, etimolochicament comparten un formant oto < ALTU), ye un tozal de 1957 que queda dencima d'el Canyón d'Anyisclo e que tiene buenas vistas enta Sestrals, Tres Marías e Treserols.
El domingo de tardes feba buena pinta: boiras e despasato enta l'oeste, con una miqueta de viento e boiras agarratas. Asinas que a prebar suerte, que la suerte sonríe a qui la mira. Marcha enta Nerín e puya ta Mondoto. A's 1700 nieu farta d'augua, e yo sin raquetas, cagüen. Bien se vale que i heba tranya, perque ye una montanyeta con 600 metros de desnibel (pa yo tozal, pero bueno, con una envista estupenda) muit adsequible e i puya muta chent.
Total que i arribo e bien se vale que siempre llevo ropa de sobras, perque i feba frío e a esperar a veyer se i heba luces. No fue el que esperabe, pero bueno, millor ixo que estar veyendo el fútbol.
Las fotos:
 I heba ratos que quasi no se veyeban las puntas per las boiras:

 Las Tres Marías u Zucas e O Zucón:

 Sestrals:

 Enta l'oeste. No sé qué pico ye ixe punchuto, se bel·laún me0l puede decir... agradeixito:

 E la foto que querebe, pero con millors luces (tot e que no me'n queixo, que podría haber estato pior). Abaixo a la dreta se i veye la Fuent Blanca d'Anyisclo.

Comodoto

Prencipié las vacacions de Semana Santa con muta rasmia e fendo un d'es míos "clasicos" u, como piensan es de demés: t'án conyo vas a ixas horas?. Que no ye altro que puyar ta Comodoto a veyer l'amaneixer sobre Treserols. La verdat ye que con luna plena  se i va muit bie, pero me falloren las previsions horarias (normal, en vispras de cambiar la hora) e quasi no i arribo. Habié de parar uns metros antes, en la cresteta cimera, perque ya se meteban las luces.
Total, que perdemés, perque fue un amaneixer d'ixes hautos, quasi sin una boira en el ciel. Pero ya que ib'yere...
Cresteta de Comodoto:

 Sale el sol:

 Fulsa, Suelsa e, creigo, Lardana:

 Un manguant que yera per astí:

Per cierto, que feba tanto aire que se me'n fue un guant volando. Se nunca en trobatz un negro North Face en un radio d'uns 50 km., que sepiatz que ye mío :-).

Primavera

U ixo dicen. El sabado tocó sobo per la montanya e el domingo yera el día d'ir con es cadiellos a fer una cursa con raquetas.
Pero como yo no soi de dormir guaire, quan me desperté a las 6 yera nevando con alma uns copizos como boinas. A'l rato se'n deixó e veyé que podeba haber posibilidatz de que s'ubrís un fratet per l'este e, talment, buenas luces. Asinas que como ya no me vagaba d'arribar ta guaires puestos per las horas, la opción yera Pineta. I puyé con la intención d'arribar dica el cul de Pineta e veyer qué posibilidatz tenebe. Pero ixe ye un puesto an que las boiras se i quedan e no ye fácil que marchen. Asinas que quan veyié que yera difícil que se veyesen es picos, decidié de tornar-me-ne enta la presa e esperar. A la fin no i habió luces, pero sí que i heba un ambientazo hibernal que no marcaba precisament primavera, encara que dimpués salió el sol e fayó buen día.
En fin, tos deixo con las fotos d'hibernalia.