jueves, 31 de marzo de 2016

Mondoto

Encara que se pareixca a l'anterior (de feto, etimolochicament comparten un formant oto < ALTU), ye un tozal de 1957 que queda dencima d'el Canyón d'Anyisclo e que tiene buenas vistas enta Sestrals, Tres Marías e Treserols.
El domingo de tardes feba buena pinta: boiras e despasato enta l'oeste, con una miqueta de viento e boiras agarratas. Asinas que a prebar suerte, que la suerte sonríe a qui la mira. Marcha enta Nerín e puya ta Mondoto. A's 1700 nieu farta d'augua, e yo sin raquetas, cagüen. Bien se vale que i heba tranya, perque ye una montanyeta con 600 metros de desnibel (pa yo tozal, pero bueno, con una envista estupenda) muit adsequible e i puya muta chent.
Total que i arribo e bien se vale que siempre llevo ropa de sobras, perque i feba frío e a esperar a veyer se i heba luces. No fue el que esperabe, pero bueno, millor ixo que estar veyendo el fútbol.
Las fotos:
 I heba ratos que quasi no se veyeban las puntas per las boiras:
 Las Tres Marías u Zucas e O Zucón:
 Sestrals:
 Enta l'oeste. No sé qué pico ye ixe punchuto, se bel·laún me0l puede decir... agradeixito:
 E la foto que querebe, pero con millors luces (tot e que no me'n queixo, que podría haber estato pior). Abaixo a la dreta se i veye la Fuent Blanca d'Anyisclo.



5 comentarios:

  1. Podría tratarse de Peña Telera, aunque no estoy seguro.

    ResponderEliminar
  2. Pues podría ser, ahora qu elo dices. Muchas gracias, Alberto.

    ResponderEliminar
  3. Ye Telera, casi seguro... Se beye muy bien Sabocos y o Balcón de Pilatos....

    ResponderEliminar
  4. Em quedo amb la darrera de les trs Maries, per la llum.

    ResponderEliminar
  5. Gracias, J.M.N., se tú el dices, que ye el tuyo país, ya no me queda garra duda.
    Moltes gràcies, Eduard.

    ResponderEliminar