De siempre m'han feto muto goyo es árbols de fuella caduca. Abe años m'encantaban las fabosas (u fabolars), e encara siento cualque cosa cuan arriba l'agüerro e las beigo con ixas colors tan bonicas. Pero es azirons son altra cosa, cuan bas per pinars u selbas d'altros árbols peren·nes e te sale bel azirón per astí ye una flamarata de royo u amarillo entre tanto berde. E se ademés aprofitas un ziel tan azul como el d'ixe día d'otubre el contraste, a'l menos pa yo, ye pistonuto.
Entradas
Biembenito a este mundo d'es blogs, dica agora yera yo o zaguero. Por zierto has meso unas fotos bien bonicas, y o belsetán encara més bonico. A plantar fuerte.
ResponderEliminarPos mutas grazias, ombre. La berdá ye que fa ilusión que te bayan deixando bel comentario, e més encara se ye el primer. Yo he a entonar bel·la traza de "mea culpa" perque cuasi toz es días boi mirando-me es altros blogs que fan / fez en aragonés (entre ers el tuyo, que ademés i metes la faloria d'el amigo Barré) pero no goso deixar-ie garra comentario e aora quiero que en fayan en·n'o mío. Bueno, el dito, grazias e a biyer se boi fendo més entratas.
ResponderEliminar