Muro de Roda

Muro de Roda ye un d'ixes puestos que m'enamoró dende la primer que i puyé. Ixa ilesia romanica, las envistas, la muralla... En fin, que a qui no el conoixca, le'n recomiendo sin garra dubda, e asians conoix A Fueva, que tamién en vale la pena.
Estianyo, en febrer, i fue con un companyer de troballo que no el conoixeba, e teniemos la suerte de pillar-lo con nieu. No podiemos tener las magnificas envistas que i hai de las montanyas, pero pocas vegatas se puede pillar nevato, asinas que no me'n queixo.

Febrer, febrer...

barbas de mal caballer, que matores a tu pai en el lenyer e a tu mai en el lavader.
Ixe refrán belsetán sinyala que febrer puet estar un mes en que l'orache sía frío de verdat, e asinas comenzó febrer en Sobrarbe. Ixe día fue a mirar se s'ubriba el ciel e trobabe luces; pero como que no'n trobé, me dediqué a fer fotos diferents.

Luna plena de chiner II

Més luna plena. Ixa nuet tocó de puyar ta Plana Canal.

Luna plena de chiner

Fa goyo d'ir ta la montanya con luna plena, e ixo que i heba poca nieu. Dende Punta Acuta, sobre Ordesa.

Collada Ceresa

Dende la collada de Ceresa i hai muit buen envista enta Treserols, e se de maitins i hai suerte con las luces, pos millor.

10 anyos ya

Entre unas cosas e altras se m'ha pasato el deceno aniverario d'el blog pa cabo de febrer. 10 anyos ya, cómo pasa el tiempo. Talment sía l'inte de plegar, perque la epoca d'es blogs pasó fa anyos ta millor vida.
Mientres me'l pienso e no, aquí tos deixo qualques fotos  dende un mirador t'an que voi quan no me vaga d'ir t'altro puestos més leixanos.

L'Aínsa

Unas fotos en salir de troballar, no vaga a fer cosa més.