miércoles, 16 de enero de 2013

Tornamos con las primeras luces

A yo ye que m'encanta veyer las primeras luces sobre Treserols u qualsequier altra montanya. Ir a veyer-las supone salir de casa de nuet, pasar muto frío e caminar en la escuridat absoluta como el sabado pasato, quan i heba luna nueva.
Esta vegata querebe veyer-las dende la Cruz de Guardia, e calculabe dos horas e media de puyata. Salié dende la puerta casa, pos no caleba pillar l'auto pa ir-ie, e acometié la puyata con el frontal. Se me fayó més largo d'el que yo pensabe, e las pillé dende el cargadué, uns campos que i hai antes d'arribar ta la Cruz de Guardia pero que tienen buena envista enta Treserols. Astí ya yera tot plen de nieu e entre ixo e las prisas no veyé garra primer plan intresant, pero se fayó el que se podió. No duroren guaire e miré de puyar, ya que i yere, pero la nieu per es chenullos e yo sin molatieras m'obligoren a dar media vuelta enta casa. Pa unaltra vegata será.

Baixando m'entretenié un ratet en el barranco Salastro con el chel, pero el puesto daba pocas oportunidatz compositivas perque yera tot chelato e con un eslisón podrí haber rematato en una gorga, asinas que primó la seguridat e pensar en la mía integridat fisica e en la de la camara :-)


Las fotos d'el plomazo de nieu d'ahier (e de hue, que contina nevando) las deixo pa unaltro día. Salut.

6 comentarios:

  1. Eso cuida tu integridad fisica, que quedan muchas salidas por hacer y hay mas dias que longanizas.
    Las del barranco con hielo, la 3 i 4 me gustan.
    Un abrazo.

    ResponderEliminar
  2. Sí, Ángel, hay que cuidarse que empezamos a hacernos mayores :-)
    Gracias por pasar, noi.

    ResponderEliminar
  3. Hola Chavi! Que estoy que te dices Chavi...
    A ixes campos les dicin en la Comuna "El carguadet". En Bielsa s'el conoix tamién así? Si la preparación ye güena y las obligacions el permiten per astí pasaré en la ultra trail Sobrarbe a 25kms. de meta. Ya sincusarás, tampoc querrí que te pensases que nomás foi dentrar al blog tuyo a correchir-te. Las fotos, espectaculars!

    Una pregunta... Sabes an podrí trobar algo relativo a la nueva ortografía de l'aragonés? Me he quedau anticuau estes anyos d'atrás.

    Saludos,
    sergio

    ResponderEliminar
  4. En Bielsa les decimos el Cargadué, talment sía per etimolochía popular.
    Respecto a la grafía, la tiens en la web de l'ACAR:
    http://www.academiadelaragones.org/biblio/EDACAR7_2.pdf
    Se la quiers en libro, quan pases per Bielsa fe-me-lo saber e te'n doi un exemplar.

    ResponderEliminar
  5. Hola!
    Mutas gracias per tot. Cuan faya un poquet de tiempo y el fermenyo me deixe m'el miro. Este verano d'atrás vayé belas veces per astí. Con un amigo nos penchaben la canya a la esquena y puyaben ta bel ibón. Y dimpués feben bel moset si teneben tiempo en el Chinchecle. Si paso luego ta Bielsa ya coleutaré con tú y si te vaga farén un gutet.

    Recuerdos a Fernando y a toda esta chen. A Mialmir ya fa más d'un año que no'l vigo.

    Saludos,
    sergio

    ResponderEliminar
  6. HOLA

    BUEN REPORT... PASATE POR MI BLOG... VER FORMAS EN EL HIELO

    SALUT
    JOAN

    ResponderEliminar