domingo, 30 de octubre de 2011

Buxaruelo

Ahier estié per primer vegata en la mía vida en Buxaruelo. Quasi (bueno, e sin el quasi) me fa vergonya de decir-lo, pero asinas ye. Per suerte ahier podié quitar ixe "debe". Un zagal de Uesca m'heba ninviato unas fotos de Buxaruelo perque le hebe preguntato cómo iba l'agüerro per astí. Me convenció e ahier amaitiné e cara allá que i fue. En linia recta dende Bielsa no i hai guaires kilometros (Treserols en bell medio), pero en auto i hai una kilometrata buena, una miqueta més d'una hora encara que compartimos güega con Torla.
Pero rai, mereixió la pena. El ciel yera nuble, heba plevito la nuet anterior e las colors yeran hipersaturatas. Deixé l'auti en el Puent Nuevo e puyé caminando per lo GR11 dica Sant Nicolás. No me i trobé con dengún, pos totz es dominguers puyaban en auto per la pista. El camín ye practicament plan e vas per una selva d'abetz e faus impresionant. Vas cerqueta d'el río Ara, e yo que voi siempre como es chizartz salié prous vegatas d'el camín pa poder veyer-lo millor e fer bel·la foto. Recomendable 100%, mismo con nin·nos pos menos el cruce de bell barranco se ha plevito no i hai problemas (i hai un troz d'el camín con una pendient enta'l río considerable, pero parando cuenta no ha de pasar cosa; bai que yo me i llevarí a's fillos). Dimpués de veyer ómo ye, quiero fer la travesía que he ito aplazando dende fa anyos d'ir dende Panticosa dica el Puent d'os Navarros, e se puedo fer-la d'agüerro pos millor, pero no sé se tendré prous baterías e tarchetas de memoria :-)
Dimpués torné per la carretera que puya dende Sarvisé dica Fanlo, e l'agüerro yera impresionant en las selvas d'o barranco Xate (u Xalle).
Pos ixo, que se podetz puyar ta's Pirineus estes días de puent, fetz-lo se queretz veyer las selvas d'agüerro.
E aora, como siempre, qualques fotos:
Esta ye la que més goyo me fa de totas, estoi que resume la esencia de l'agüerro :-)


E, ya pa rematar, la selva puyando enta Fanlo, impresionant, tota la puyata ye igual:
Au, me pareix que ya se m'ha rematato salir a fotografiar l'agüerro :-(

9 comentarios:

  1. Bien politas as fotos, si señor. Y si, ya tiens delito de no haber estato en Buxargüelo encara. Ye una bal asabelo de pincha. Lastima de as torres d'a luz y de ixa pista plena d'autos toz os cabos de semana. Aunque encara poderba estar pior...fa unas añadas a un alcalducho iluminau d'ixos que tenemos por astí le se ocurrió a ideya de fer una telecabina dende o meson dica a güega con Franzia. Menos mal que belún debía tener más talento qu'er y al final no se fizo. Ixa bal tenerba que estar Parque, pero no como Ordesa que no dixan fer cosa si no como el Parc national des Pyrénées con o que güegía....ostia si tenemos que aprender d'os gabachos (dicho isto con o mayor d'os respetos)
    Hala, salú

    ResponderEliminar
  2. Qué gozada... no veas como está el bosque... envidia cochina que me da.
    Me gusta especialmente la que parece que está tomada desde dentro del río... tiene mucha sensación de lugar.
    Nada majete, a seguir descubriendo más joyitas... jeje. Salú!!

    ResponderEliminar
  3. Jo hi he estat, un estiu, i la veritat és que és una vall que val la pena visitar. Tu l'has trobada en un punt exquisit. M'agraden molt totes, però especialment la primera, la quarta, la cinquena, la novena i l'última. Salut!

    ResponderEliminar
  4. J.M.N. Ixa ideya d'el teleferico la he sentita yo pa puyar ta Marmorés :-O Cuenta mils de turistas puyando a veyer el glaciar... Pero sí que creigo que habría a estar un puesto con bel·la figura de protección, a pesar de la linia d'alta tensión.
    Antonio, una gozada, este puente está el Pirineo para provocar un desprendimiento de retina con los colores :-D
    Roger, i tant que mereix la pena d'anar-hi, i més ara a la tardor. Avui hi he enviat a un conegut comú amb la família, a veure que em conta.
    Gracias per las vuestras parolas.

    ResponderEliminar
  5. Vaya preciosidad de colores. Bien vistos y encuadrados.
    Muy buenas.
    Saludos.

    ResponderEliminar
  6. Quina preciositat, company. Ja fa més de 20 anys que vaig estar caminant per aquestes contrades. Molt ben captat el moment de tardor, bon reportatge :-)

    ResponderEliminar
  7. ixa selva de colors ye impresionan felisitats per ixas politas fotos m fan goyo

    ResponderEliminar
  8. Buxaruelo ye unas de las bals mas bonicas, que enamoran a tot el que i ba. Ziertos que las torres d'alta tensión son fieras y estricallan las ambiestas, pero para aconorta-tos sabez que ferá unas 40 añadas la ideya yera continar por lo costau español la carretera que los franzeses ya fizon dica la güega. Anónimo semontanés.

    ResponderEliminar
  9. Te has quedado a gusto de tanto otoño, macho. Qué envidia!

    ResponderEliminar