martes, 21 de junio de 2011

Chunio, el mes de las flors

Esto maitín, camín d'el treballo, he parato un ratet an que trobé la Ophrys apifera, e he trobato més orquidias e altras flors con las que m'he he entretenito perque me vagaba una miqueta. Feba una miqueta d'aire, asinas que no he puesto fer tot el que querebe, pero per poder estar una miqueta concentrando-me en las fotos e olvidando el de demés, ya ye pro pa relaixar-me.
E tamién aprofito e puyo qualque foto que fayé el sabado de maitins per aquí per la valle Bielsa.
De hue ye este gladiolo, que fa días que en veigo per las marguins e hue he trobato buen fondo e buena luz, encara que he tenito que tirar de flash pa contrarrestar el contraluz:
Unaltra Ophrys scolopax que m'he trobato cerqueta de l'anterior:
Una parella d'escarabaixos despedindo-se de la primavera u celebrando l'arribata d'el verano. La foto no ye buena perque feba iare e sale una minqueta trepidata, pero la puyo perque salgo en la foto, ¿me i veyetz?:
Esta cuento que ye una orquidia, u a'l menos en pareix, pero no consigo meter-le nombre perque no i sale (u no la sé trobar) en la mía guía:

Una palometa encara medio durmierta perque no l'heba dato el sol:
E aora unas orquidias de Pineta. prencipio per la Dactyloriza fuchsii:

Esta tamién ye Dactyloriza, pero majalis:
Au, estoi que ya ye prou per hue. Salut.

4 comentarios:

  1. Hola mesache.
    Ya siento llevate a contraria pero a primera foto ye una Apifera. Parixe que leba debaxo a punteta verda pero ye apifera. O debuxo tampoco ye o propio d'eras. Igual ye un hibrido entre apifera y scolopax.Enzima de que i-son defiziles se hibridan...manda cojones.
    A cuarta foto ye otra orquidia. Cuasi seguro que ye la Epipactis helleborine. En a guía nuestra sale en as flors moradas porque en bi-ha cuatro parexitas y totas son más o menos moradetas.
    Por zierto, latro diya estiemos por a tuya bal. Pasemos ta Franzia y a la buelta entremos en o camping de Bielsa a beyer ixe piazo castañera que tenéis allí.
    Pos ixo...
    Salú

    ResponderEliminar
  2. Pos tiens razón en las dos cosas. Quan veyé la apifera pensé que en yera, pero quan veyé la foto e ixa punteta verde pensé "cagondiós" (asinas, tot chunto), ye la scolopax. Pero me sacas de dudas.
    E en ixa que no tenebe identificata, ya la he vista en el vuestro libro, asinas que duda solventata, e gracias per las aclaracions. Salut.

    ResponderEliminar
  3. Hola felquera, el juny per nosaltres és el mes en què deixem el llarg període d'hivernació de tot el curs, jeje. Com m'ha agradat revisar el teu blog de nou. Boniques fotos, jaja

    ResponderEliminar
  4. Ja ens queda menys, igniszz. Molt poc, tres dies i vacances (o ets a l'equip directiu?)

    ResponderEliminar