miércoles, 15 de septiembre de 2010

Aguardando l'agüerro

Dende que prencipié con esto de la fotografía, ya fa tres anyadas, septiembre m'ha pareixito un mes mui floixo. Ya yes aguardando l'agüerro con las suyas colors (encara que no dura guaire), i hai mui poqueta flora e, ademés, no tiengo equipo pa adedicar-me a la fauna (tot arribará, espero). Se ademés a ixo le sumamos que las mías circunstancias personals son aora mismo pro embolicatas, pos apenasme vaga de salir ta'l monte, e quan i voi foi poquetas fotos, mismo i ha habito días que no'n he feto garra.
Per ixo, e per no abandonar definitivament el blog, hue m'he obligato a salir ta Pineta e fer bel·la entrata, asinas que aquí van:

No son mica buenas, pero a'l menos no se m'enrobina la camara, ni el dedo indice:-(
La hora no yera la millor pa las fotos de l'augua, cerqueta de la una d'el mediodía, e ademés tenebe que salir a las quatre suelas pa ir a replegar a la filla d'el cole. M'he entretenito quan puyabe a charrar con es míos antigos companyers de troballo e se m'ha feto tarde. Asinas que ya perdonaretz la baixa calidat :-)
en

4 comentarios:

  1. Anónimo16 de septiembre de 2010, 15:48

    as fotos no son malas, igual yes masiato exigent, gracias per partir-las en o rete i per escribir en aragonés, certas! qüalques sugerencias:

    ya NE fa tres anyadas
    aGora
    "apenas": en que u: no me vaga guaire
    dIdo EndiZ

    ResponderEliminar
  2. Chabier Lozano17 de septiembre de 2010, 18:09

    Gracias per las sucherencias, pero no te faré caso... En Bielsa se diz "aora" e "ya en fa tres anyadas". "Apenas" sí que ye probable que sía un castellanismo, pero qué le imos a fer.
    Tamién agradeixerí que t'identificases, se no ye molestia.
    E per cierto: ¿qüalques, con dieresi?

    ResponderEliminar
  3. Manel17 de septiembre de 2010, 20:46

    soi Manel de Kitu, de cabo quan (gracias per fer-me notar lo de a diresi)paso a vier que amostras i que escribes. Spero no haver-te estorbato a pacencia, yeran so que sucherencias, res mas.
    No digo que agora no se hi diga "aora", peró no caldría considerar si ye una castellanada i a mas a mas, recient?
    voi a mirar de recopilar una mica mas sistematizadament os vulgarismos de o castellan mas comuns que siento ta part d'aquí cuincidents con os de o pais. si quiers te los pasaré.
    Una abrazada ampla e carinyosa i si te plaz, contina a publicar fotos i escribir, gracias per tot siempre!

    ResponderEliminar
  4. jsalas.es18 de septiembre de 2010, 21:04

    La foto de la cascada entre dos luces, es muuuy buena. El día que tengas un poco de tiempo para exprimir "fotochof" y sáques el máximo de la imágen... ya verás...

    Saludos.

    ResponderEliminar