jueves, 11 de febrero de 2010

Amanando carnaval

Perque ya el tenemos dencima, unaltra anyada ya ye arribato. Tot un anyo esperando-lo pa que quan quieras parar cuenta ya se'n son pasatos. Ya se nota l'ambient en la valle, e no veigatz cómo tiengo el salón de casa de disbraces, pelucas, piels, talacas... La pena ye que maitín e el lunes tiengo que troballar, per lo que me perderé la primer e la zaguera nuet.
Ixo rai, es días que pueda -viernes, sabado e domingo- caldrá aprofitar-los, pa ixo ye carnaval.
M'he permitito de fer un bodegón (estoi que ye el primer que en foi) con es "trastes de tranguiar":



Ixas talarainas ya las quitaré fotendo-le buens trucos a'l batallo.
M'han dito que el cabo-semana i habrá noticias importants pa l'aragonés. Chuntaremos las celebracions alavez.
Tamién estoi que en no guaire tiempo este blog fará, con el vuetro permiso, dos anyetz, asinas que febrer (ixe que mató a su pai en el lenyer e a su mai en el lavader) ye un buen mes ;-)
A veyer se foi totz es posibles pa que no torne a pasar dos semanas sin pinchar cosa en el blog, pero ye que he pasato uns días con muto troballo.
en

3 comentarios:

  1. "O zagal de Molinero l'arco"15 de febrero de 2010, 21:43

    No as fecho fotos d'os onsos ??
    Clabane una pa que le faiga goyo a L'Onset.
    Yo no ie puyau,pero a mia filla gran si. ¡¡Gran fiesta y baile!! seguntes m'asplicau a zagala ... y os mozos an ganas damarrezese. ¡¡ A beier si abre de puyar ta Bielsa con a nabajeta capadera... :-)

    ResponderEliminar
  2. igniszz16 de febrero de 2010, 6:55

    Vaya juergas os montais por ahí arriba. Saludos.

    ResponderEliminar
  3. Chabier Lozano16 de febrero de 2010, 22:50

    Zagal, si puyó o domingo ta la ronda igual mismo l'acometié yo (pero con buenas intencions, ¿eh?). Sí que viyé el sabado de nuet a una pila chent d'A Espunya, pero a la tuya filla no la conoixco.
    Igniszz, demasiada juerga, a ver si me recupero físicamente y cuelgo alguna foto. Cómo se notan los trentaitantos :-(

    ResponderEliminar